Димаш Құдайбергеннің Латын Америкасы елдеріне жоспарланған туры қарсаңында әншінің Мексикадағы жанкүйерлері ерекше мүсін жасады, - деп хабарлайды Massaget.kz тілшісі dimashnews.com-қа сілтеме жасап.
Мексикалық Dears қауымдастығының мүшесі, әуе шарларынан көркем мүсіндер жасаумен айналысатын суретші Ольга Лидия Эрнандес шығармашылық тобымен және Dimash & Dears Regias фан клубы қатысушыларымен бірлесіп, биіктігі 4,5 метр болатын мүсін әзірледі.
Сурет: dimashnews.com
Көркем инсталляция Монтеррей қаласындағы (Нуэво-Леон штаты) ірі сауда орталықтарының бірінде орнатылды. Дәл осы қалада 2026 жылғы 14 қарашада Димаштың DiMENSIONS атты жаңа әлемдік туры аясындағы концерті өтеді.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова