"Мәңгі бірге болады деген қағида жоқ қой". Ерке Есмахан ажырасу туралы сұраққа жауап берді

Танымал әнші Ерке Есмахан ажырасу тақырыбын қозғап, оқырмандарының сұрағына жауап берді, - деп хабарлайды Massaget.kz тілшісі.

Бұл туралы ол Instagram Stories-інде бөлісті. 

"Иә, алда не күтіп тұрғанын ешкім білмейді. Сол үшін абайлап сөйлеп, аңдап басқан жөн. Алланың өз есебі бар. Мен өз темамды айта кетейін. Қарап тұрсаңыздар, біздің жас аралығымызға көбі тиіседі. Мысалы, жастары қатарлас, күйеуі үлкен немесе әйелі, жас жұптар мәңгі бақи бірге болады, бақытты болады, ажыраспайды деген қағида жоқ қой?! Өмірде куә боп жүрсіздер неше түрлі тағдырға. Бұл дегенім - қыздар жас жігітке күйеуге шығыңдар деген де емес. Просто бақыттың кілті жасқа, ұлтқа байланысты емес дегім келеді. Жүректің тыныштығын, сыйластықты, құрметті, түсіністікті, іңкәрлікті ұштастыру оңай емес. Ал махаббат дегеніміз - екі парасатты, пайымды адамның сана биігінде жолығуы деген екен. Барлығы екі адамға байланысты. Жанұя болу - үлкен еңбек", - деп жазды әнші. 

Сондай-ақ, Ерке Есмахан жақсылық тілеген оқырмандарына алғыс айтты. 

"Сондықтан шаңырақ көтерген әр жанұяға бақыт тілеп өтейік. Ажырасып, басына сынақ келген әр жанға Алла бәрін қайырымен қылсын деп тілеймін. Тілектеріңізге рахмет. Алла бұйырса, екі дүниеде де бірге болу - арман, мақсатымыз", - деп жазды өнер иесі. 

Қызықты жаңалықтар мен видеоларды көру үшін TikTok арнамызға жазылыңыз!