Мақпал Жүнісова Арман Дүйсенов туралы: “Арты не болатынын біледі“

Танымал әнші Мақпал Жүнісова марқұм Арман Дүйсенов туралы жазба жариялады, - деп хабарлайды Massaget.kz тілшісі.

ҚР Халық әртісі Мақпал Жүнісова әлеуметтік желідегі парақшасында марқұм композитормен бірге түскен ескі видеосын бөлісті.

"Осындай естелік видео келді. Мен үшін әлі осы өмірде жүргендей! Топырағың торқа болсын", - деп жазды ол желіде.

Сахнада қатар тұрған Мақпал Жүнісова мен Арман Дүйсеновтің өзара әзілдескен сәті желі қолданушыларын сүйсінтті. 

"Сырласу" бағдарламасынан шығып, осында келдім. Залда Арманның отырғанын көріп қалып, шақырып алдым. Рояльсыз және ешқандай дайындықсыз ән орындап берейік”, - деген Мақпал Жүнісова Арман Дүйсеновтің шалынып қалған сәтін әзілге айналдырып жібереді. 

"Көрдіңдер ме, менің қасыма келетін жігіттер осылай құлайды. Сол үшін маған ешкім жоламайды. Өйткені біледі, арты неге апарып соғатынын", - деді Мақпал Жүнісова.  

Желі қолданушылары жазбаның астына көңіл айтып, Арман Дүйсеновтің отбасына тілек білдіріп жатыр. 

Қызықты жаңалықтар мен видеоларды көру үшін TikTok арнамызға жазылыңыз!