Димаш Құдайберген бейнебаян түсіру үшін Испанияға аттанды

Димаш Құдайберген бейнебаян түсіру үшін Испанияға аттанды
Фото: instagram.com (/kudaibergenov.dimash)

Қазақстандық әнші Димаш Құдайберген "Любовь уставших лебедей" әніне бейнебаян түсіру үшін Испанияға аттанды. Бұл туралы ол Instagram желісіндегі парақшасында жазды.

- "Любовь уставших лебедей" әніне бейнебаян түсіру үшін Испанияға ұшып бара жатырмын", - деп жазды Димаш.

Айта кетейік, "Любовь уставших лебедей" әнінің авторы - композитор Игорь Крутой. Ол қазақстандық әншінің Ресейде жетістікке жететінін болжаған. Димаш Құдайберген композитормен бірге бірнеше рет ән де шырқаған. Бұл әнді бірінші болып канадалық әнші Лара Фабиан айтты.

Қазіргі таңда Димаш Құдайберген The World's Best шоуына (CBS телеарнасында өтетін байқау) қатысуда. Өзіндік ерекше дауысымен төрешілерді таңдандырып үлгерді. 100-ден 98 ұпай жинады.

Қазақстандық әнші наурыз айында Кремльде (Мәскеу) ән кешін өткізеді. Ал жазда Астана күніне орай елорда төрінде "Арнау" атты концерт өткізеді.

Н. Үсенова