Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Мәдениет / Кино / "Алтынемел" картинасы "Шетелдің үздік деректі фильмі" атағын алды

"Алтынемел" картинасы "Шетелдің үздік деректі фильмі" атағын алды

ҚР Мәдениет және спорт министрлігі тапсырысы бойынша Шәкен Айманов атындағы "Қазақфильм" АҚ жарыққа шығарған "Алтынемел" деректі фильмі ҚХР-ның Тайчжоу қаласында өткен Кино және туризм саласындағы азиялық өнер апталығында "Шетелдің үздік деректі фильмі" жүлдесімен марапатталды. 

Алтынемел мемлекеттік ұлттық саябағының бай табиғаты туралы баяндайтын деректі фильмнің авторы, танымал фотограф-натуралист Олег Белялов.  

Картина "Алтынемел ұлттық табиғи саябағының ерекшелігі неде?", "Құрылғалы бері 20 жылдың ішінде не өзгерді?", "Туристер бұл аймаққа нені көру үшін баруы тиіс?" сынды сұрақтарға жауап іздейді.

Алтынемел Жетісу Алатауының оңтүстік сілемдерінің арасында орналасқан ұлттық табиғи саябақ екені баршаға мәлім. Жер көлемі - 520 мың гектар. Саябақ аумағында туристерді қатты қызықтыратын бірегей табиғи құрылымдар және байырғы тарих ескерткіштері орналасқан. Шатқалдарында ежелгі адамдардың тасқа қашап салған суреттерін көруге болады. Ол Қапшағай мемлекеттік аңшылық шаруашылығы негізінде 1996 жылы құрылды.

Бір қызығы, "Алтынемел" деректі фильмі режиссердің алғашқы жұмысы, Олег Белялов бұл картинаның сценарий авторы және қоюшы операторы. Болашақ фотограф 1960 жылы 23 тамызда Алматы қаласында дүниеге келген. Алғашқы фотосуреттерін 1970 жылы "Смена-7" фотоаппаратымен түсірген. Сол жылдары жабайы табиғатты, құстарды түсіруге әуестене бастады. 1984-1987 жылдар аралығында "Қазақфильм" киностудиясында оператордың көмекшісі ретінде жұмыс атқарды. Көптеген зоологиялық экспедицияларға, Қазақстан табиғаты туралы фильмдердің және фотоальбомдардың жасалуына белсене қатысты. 

Естеріңізге сала кетейік, былтыр қараша айында "Қазақфильм" киностудиясы ҚР Тұңғыш Президенті Елбасы қорымен бірлесіп, Қазақ деректі киносының күндері аясында "Алтынемел" деректі фильмнің көрсетілімі өткен болатын. 

Кино және туризм саласындағы азиялық өнер апталығының ұйымдастырушылары: Қытайдың телевизиялық суретшілер қауымдастығы, Чжэцзян баспа, радио, кино және телевизия әкімшілігі және Тайчжоу үкіметі. Мәдени іс-шара Азия елдерінде туризмнің және кинематография саласының дамуына бағытталған. Биыл аталған шараға Франция, Ресей, Қазақстан және Жапония сынды 23 мемлекеттен мыңнан астам кино және телебағдарламалар қатысқан.

0
Рейтинг: +1

Дайындаған: Айымгүл Оралқызы
Фото: vk.com
Қосылған күні: 01 тамыз, 10:53

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.