Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Мәдениет / Кино / "Шал" бас жүлдені иемденді

"Шал" бас жүлдені иемденді

Қазақстандық танымал режиссер Ермек Тұрсыновтың "Шал" фильмі халықаралық "Киношок-2013" кинофестивалінде бас жүлдеге ие болды. Ал "Шал" фильміндегі басты рөлді сомдаған Ерболат Тоғызақов "Ең үздік ер адам рөлі" номинациясын жеңіп алды.

Естеріңізге сала кетейік, Ермек Тұрсынов «Шал» фильмін атақты жазушы Эрнест Хемингуэйдің «Шал мен теңіз» повесінің желісі бойынша түсірді. Фильмді жасау идеясы Мәжіліс депутаты Мәулен Әшімбаевқа тиесілі. "Шал" – 2012 жылдың "Ең үздік фильмі" болып танылды.

Айта кететін болсақ, XXII "Киношок-2013" ашық кинофестиваліне жыл сайын ТМД, Латвия, Литва және Эстония сынды елдері қатысады. Биылғы шара Анапа қаласында 14-21 қыркүйек аралығында өтті.

Фестиваль нәтижесі бойынша, ерекше көзге түскен туындылар мен үздік шеберлерді атап өткеніміз жөн болар. Ең үздік режиссер ретінде "Бұл мен емес" картинасының режиссері Мария Саакян танылса, осы фильмнің операторы Мко Малхасян үздіктер қатарынан көрінді. Эстондық "Тірі суреттер" лентасы "ең үздік сценарий" және "ең үздік әйел рөлі" марапатына ие болды. Қырғызстандық режиссер Темір Бірназаров "Құмарлық" фильмі үшін "Кинодағы азаматтық және эстетикалық позицияның батылдығы үшін" арнайы сыйлығын алды.

Сондай-ақ, "Есеңгіреу шекарасы" атты қысқаметражды фильмдер байқауында бас жүлдені қырғызстандық "Шағала" фильмі қанжығасына байлады. Фильм режиссері – Елизавет Стишова.

Байқауға қатысқан қазақстандықтардың сіздерге жеткізер қуанышы біреу ғана емес, Ерболат атасының ізімен қазақстандық актер Ержан Нұрымбет балаларға арналған фильмдер байқауында "Ең үздік ұл баланың рөлі" номинациясын иемденді. Ержан режиссерлер Әнуар Райбаев пен Әсия Сүлееваның "Жеңіс қылышы" фильміне түскен екен.

Ал "Ең үздік қыз бала рөлі" номинациясы "Бірінші сыныптар" филмінің жас актрисасы Соня Мицкевичке бұйырды.

Дайындаған: Айгерім Сматуллаева

Сурет: kursiv.kz

Дайындаған: Кәусар Мұң
Қосылған күні: 23 қыркүйек 2013, 10:36

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.