Қазгидромет 2, 3, 4 сәуірге арналған ауа райы болжамын жариялады, - деп хабарлайды Massaget.kz тілшісі.
Еліміздің солтүстігінде, шығысында және оңтүстік-шығысында жауын-шашынсыз, жылы ауа райы сақталады. Ал батыс өңірлерге оңтүстік циклон әсер етіп, ауа райы тұрақсыз болады. Циклон шығысқа қарай жылжыған сайын солтүстік, орталық және оңтүстік өңірлерде найзағай ойнап, жаңбыр жауады, кей уақытта нөсер болжанып отыр.
Жел күшейеді, күндіз солтүстік-батыста бұршақ жауады. Түнгі және таңғы уақытта тұман түседі.
Күндізгі ауа температурасы:
- солтүстік-батыс пен солтүстікте +15…+25 градустан +12…+20 градусқа дейін төмендейді,
- оңтүстікте +27…+32 градустан +18…+25 градусқа дейін төмендейді,
- батыста +13…+20 градустан +18…+25 градусқа дейін жоғарылайды,
- шығыста +18…+26 градусқа дейін көтеріледі,
- орталықта +15…+25 градус шамасында сақталады,
- оңтүстік-шығыста +25…+30 градус болады.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова