Коронавирусқа байланысты кеңселерде жұмыс қалай өзгеруі мүмкін?

Халықаралық еңбек ұйымы (ХЕҰ) жұмыс орындарында COVID-19 тарауының алдын алу үшін алдағы уақытта қандай қауіпсіздік шаралары сақталуы мүмкін екенін айтты, - деп хабарлайды РИА Новости.

ХЕҰ-ның Шығыс Еуропа және Орталық Азия елдері үшін бюросының директоры Ольга Кулаеваның айтуынша, эпидемиядан кейін жұмыс бастаған кезде, лифтіге бір-бірден кіру, қызметкерлер арасындағы кем дегенде екі метр қашықтық сақтау, қызметкерлер бір ғимаратта тоғыспауы үшін үйден және кеңседе кезекпен жұмыс істеу кестесін жасау талабы сақталуы мүмкін. Сонымен қатар, ғимарат ішінде жүру де қадағалануы мүмкін: мысалы, адамдар ғимаратқа бір дәлізден кіреді, басқа жолмен шығады.

- Алдағы жарты жылда не боларын айтар болсақ, мұның бәрі әлі де күшін жоймайды деп ойлаймын, - деп мәлімдейді Кулаева "Российская газетаға" берген сұхбатында.

Сондай-ақ, ол осы кезеңде еңбек инспекциясын күшейту және қызметкерлерді әлеуметтік қорғау шараларын қамтамасыз ету қажеттігіне назар аударды.

tengrinews.kz