Жүргізушілер үшін күтпеген жерден бензин индикаторы жанып, бактағы жанармай деңгейінің төмендеуі жағымсыз жағдай. Әсіресе ұзақ жолға шыққан кезде. Ескерту шамы бакта қанша литр бензин қалғанда жанады? Бұл жағдайда көлікті ары қарай жүргізуге бола ма? Индикатор жанған күйі қанша шақырымды жүріп өтуге болады және қандай жағдайда ұзаққа жетуге болады? Бұл туралы толығырақ Massaget.kz материалында.
Ескерту шамы жанғаннан кейін бензин қаншаға жетеді?
Шам жанған кезде қанша бензин қалғанын пайдалану нұсқаулығынан, егер көлік құралы экран және бакта орналасқан арнайы датчикпен жабдықталған болса, дисплейден білуге болады. Өкінішке қарай, кейде қажетті деректер көрсетілмейтін жағдайлар болады.
Тәжірибе бойынша бактағы дензиннің ең төменгі деңгей 5 литр, максимум – 10, ал орташа – 7-8 литр. Нақты көлемі көліктің маркасына байланысты болады. Тұтастай алғанда, бұл тіптен аз емес, бұл ондаған шақырымды жүріп өтеуге жеткілікті, ал қарапайым ережелер мен ұсыныстарды орындасаңыз, 100 шақырым немесе одан да көпке жетеді. Ол жанармай құю бекетін табуға жеткілікті.
Ескерту шамы жанып, бакта қанша бензин қалғаны – бұл екінші мәселе. Жанармай құю бекетіне жеткенше көлікті жүргізу ережелері әлдеқайда маңызды. Көлік қанша шақырым жүретіні жүргізушінің іс-әрекетіне байланысты, қателіктер жолды ондаған шақырымға қысқартады.
Қозғалтқыш жылдамдығын сағатына 80-85 шақырымға дейін ұстап отыру оңтайлы болады, кенеттен жылдамдықты арттыру, басып озу немесе тосыннан жылдамдықты азайту бензин шығынын арттырады. Оң жолаққа ауысып, мүмкіндігінше бірқалыпты жүрген дұрыс. Бұл жағдайда алдағы елді мекенге дейін жетіп, жанармай құю бекетін табуға мүмкіндік болады.
Энергияны тұтынатын барлық қуатты құрылғыларды өшіріңіз. Ең алдымен, желдеткішті. Терезелерді жабыңыз. Бұл аэродинамиканы біршама жақсартады, кедергіні және тиісінше тұтынуды азайтады.
Бар болса, "Эко" режимін қосыңыз. Ол қосылғанда қозғалтқыш бензинді аз жағады.
Ескерту шамы жанып, бактағы бензиннің азаюын қауіпті деп атауға келмейді. Дегенмен бұл жағдайдың жиі қайталануы – дұрыс емес. Машина жанармай сорғысымен жабдықталған болса, жағдай қауіптірек болады. Ол тиімді жұмыс істеуі үшін жанармай деңгейі жоғары болуы керек.
Сондай-ақ бензин деңгейінің минимумға дейін жиі төмендеуі сорғыға, шлангтардың бітелуіне және сүзгінің жылдам істен шығуына әкеліп соғады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!