Әлеуметтік желіде "Алматыда полиция қызметкерлері танымал әнші Ерболат Құдайбергенді ұстап, наркология орталығына жеткізгені" туралы ақпарат тарап жатыр, - деп хабарлайды Massaget.kz тілшісі.
Кадрда "Ерболат Құдайбергенге ұқсайды" делінген адам полицияның жанында тұрғаны көрінеді. Редакция осы жағдайға байланысты әншінің менеджерімен байланысқа шықты.
"Бұл - жалған ақпарат. Концерттерге шығып жүрміз. Бәрі жақсы. Соңғы өнер көрсеткен жеріміз - Астана", - деді ол.
Сонымен қатар, өнер иесінің менеджері жалған ақпарат таратқандарға қатысты шара қолданатындарын мәлімдеді.
Massaget.kz Алматы Полиция департаментіне сауал жолдады. Материал жарияланған уақытта құзырлы органдар ресми пікір білдірмеді.
Ерболат Құдайберген - танымал әнші, YERBolat лақапатымен өнер көрсетеді. Ол "Мен қазақпын", "Жігіттер" секілді әндері арқылы кең танымалдыққа ие болған.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова