Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Грант құтты болсын,
Грант құтты болсын, "балмұздақ"!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Лайфстайл / Әдебиет / Тәмсіл / Өмірін өзгерткен есек

Өмірін өзгерткен есек

Өмірін өзгерткен есек

Жанын жаралаған әлгі сөзден әлі арыла алар емес. 

"Түкке де керегің жоқ, ұқтың ба? Түкке де керегің жоқ...".

Өзі шын сүйген, құлай сүйген адамы осылай деді-ау. Бұны сүймепті де. Осынша жыл соқыр болып жүрген бе?.. Осынша жыл?! Табаны күректей төрт жыл!

Ол өзінің қателескенін, төрт жылының желге ұшқанын мойындағысы келмей, ұзақ жылады. Егіле, еңкілдей жылады.

Келесі күні құр сүлдерін сүйретіп, жұмысқа келді. Бұл жақта бәрі абыр-сабыр. Алғашында түк түсінбеді. Жұмыстағы жақын құрбысы алақ-жұлақ етіп, сыбыр етті: "Қысқарту дейді! Қысқартамыз дейді! Жоғарыдан бұйрық келіпті".

Жүрегі қылп етті. Бұл жұмысында іскерлікпен қатар, сыртқы келбеттің жинақылығы да маңызды рөл ойнайтын. Үнемі мұнтаздай таза, жинақы, сәнді киініп жүруің керек. Түнімен жылай-жылай көзі ісіп кеткен ол шашын буа сала айнаға да қарамастан келе салған... 

Бір айналдырғанды шыр айналдыратыны рас екен. Бастық кабинетіне шақырып алып, тұла-бойын бір шолды да, ештеңе деместен, "Арыз жаз" деді. Онсыз да жұмысын құлшынып істеп, бастықтың көзіне түспеген ол ілініп-салынып жүрген көп қызметкердің бірі болатын...

Кеше ғана махаббат буына балқып, тіпті жұмысқа да назар салмаған ол бір күнде ешкімге керексіз, жұмыссыз, жалғыз адамға айналып шыға келді. 

Арада үш ай өтті. Еден жуушы болып бір супермаркетке орналасқан оның айлығы пәтерақысын төлеуге әрең жететін. Қолында күректей дипломы болса да, қаққан есіктері бұл кіргенде, тарс жабылған соң, осы жүдеу, сүреңсіз өміріне көндіккісі келмеді. Өзін жек көріп кетті. Өмірдің мәні қалмағандай, тіпті бір күні биіктен секіріп, өз-өзіне қол жұмсамақ болды. Абырой болғанда, көп араласпайтын көршісі аңдаусызда көре қалып, өмірін арашалап қалды...

Күрең күздің суығы үстіне киген жұпыны киімінен өтіп, денесін қарып, тісі-тісіне тимей, дірдектеп келе жатқан. Бұл суық күздің ғана емес, өмірдің суығы болатын. Кішкене жылынып алу үшін жолдағы дүкенге кірмек болды. Дүкен ішінде бір кәрі әжей көңілсіз тұрған сатушымен әңгімелесіп тұр екен. 

"... Сол кезде құдыққа құлаған есектің қожайыны "Құдыққа түссе түсе берсін, бәрібір қарт қой, маған жас есек сатып алу керек. Мейлің, тіпті түсіп кеткені жақсы болды. Құтқарам деп әуре болғанша, оны көміп тастайын" деп ойлайды. Сөйтіп, көршісін шақырып, екеуі күрекпен топырақ алып, әлгі құдықты көме бастайды. Бағанадан бері ордың ішінде бақырып жатқан есектің үні кенет өшіп қалады. Бейшара есек көміліп демі бітіп, өлген шығар деп ойлаған қожайын құдыққа үңілген кезде, ғаламат оқиғаның куәсі болады. Есек құдыққа түскен әрбір топырақты аяғымен таптап, үйе беріпті. Өзі үйіндінің үстіне шығып, құдықтың ернеуіне жетіп қалыпты! Кәрі есегінен бұндайды күтпеген қожайыны не істерін білмей, құдықтан секіріп шыққан есегін құшақтай алыпты дейді. Сондықтан балам, сату кезінде қателесіп, ақшаң жетпей қалған болса, ол өмірдің саған атқылап жатқан тасы деп ұққайсың..." 

Самайын ақ шалған бейтаныс әжей бұл тәмсілді сатушы балаға емес, құдды өзіне айтып жатқандай әсер алған ол дүкеннен атып шықты. Жүгіре басып, пәтердің есігін құлшына ашты...

Арада бір жыл өтті. Бұл күнде ол білдей бір банктің білдей бір қызметкері. Еден жуушыдан банк қызметкеріне қалай айналып кеткенін сұраған адамдарға дүкеннен естіген есек туралы тәмсілді айтып беруден бір шаршаған емес. Тіпті жұмыс үстеліне сүйкімді есектің суретін іліп қойған. Қожанасыр айтқан ақымақ есек бұның өмірін түбегейлі өзгерткен... Біреу оған бір тәмсіл өмірімді басқа арнаға бұрып жіберді десе, сенбес еді... Тура кинодағыдай... Бірақ өмірдің өзі кино емес пе?.. 

- Кеттік пе?

Жұмысындағы өзі де іштей ұнатып жүрген сымбатты жігіт бұған мейірлене, махаббатпен қарап тұр екен. 

-Әрине.

Ол өзінің бір адамның өміріндегі басты кейіпкерге айналғанын сезінді де, жымиып күліп жіберді. Оның күлкісі жеңістен туған рахатқа толы күлкі еді... Әлгі есек те құдықтан секіріп түскен кезде, күле алатын болса, дәл осылай күлер ме еді... Кім білсін... 

Дайындаған: Мейіргүл Оңғарова

Сурет: zastavok.ru

Қосылған күні: 06 қараша 2013, 22:30
Пікірлер
+0
06 қараша 2013, 21:35

Әдемі тәмсіл екен, есектің ақылын қарай гөр. Өмірде ештеңеден тайсалмау керек деп жатады, өкініштісі ол көп адамның қолынан келе бермейді...

+0
06 қараша 2013, 21:45

Не дейін, шыны керек мән-мағынасы терең тәмсіл екен

+0
06 қараша 2013, 23:22

катты ойландырып жибереди екен мына тамсил :)

+1
07 қараша 2013, 12:25

қандай жақсы, жақсы тәмсілдердің болғаны, бәрі жақсы аяқталатыны))

+0
08 қараша 2013, 09:45

Өмір - әрқашан да тәуекелшілдерді құрметтейді, Көкжалдарды көп сынайды, Ержүректерден қорқады, Жеңімпаздарды төбесіне көтереді.

+0
08 қараша 2013, 17:26

Ойландыратын оқиға екен. Рахмет!

+0
08 қараша 2013, 19:15

Bir adamdy elestetti magan... Rahmet!

+0
09 қараша 2013, 19:06

Қаймаққа түсіп кеткен екі бақаның бірі үміт үзіп өліп, екіншісі тырбынып, қаймақты майға алнадырып, бетіне шыққаны есіме түсті. Бір адамның өміріндегі басты кейіпкер болғанға не жетсін :)

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.