Қытай даналығы не дейді?

Қытай даналығы не дейді?
Фото: bilim-all.kz

Қытай – әлемде халық санының көптігімен ерекшеленетін алып әрі ең көне мемлекет. Осынау мемлекетте біреуге дауыс көтеріп сөйлеу (ұрыс кезінде болсын) – мәдениетсіздіктің белгісі. Қытай елінің тұрғындары үшін бұл бетіңнен айрылумен тең екен. Өзіндік бөлек мәдениеті бар қытайлықтардың даналығы не дейді екен? 

***

Екі адамның арасында тура он қадам болады. Егер өзіңнің бес қадамынды аттап, сені ешкім күтпесе – артқа қайта бер. 

***

Ұялғанда қызаратын адамда қара жүрек болуы мүмкін емес. 

***

Сен айттың – мен сендім, сен тағы қайталап айттың – мен күдіктендім. 

***

Шешім қабылдап болып ойланғанша, ойланып шешім қабылда. 

***

Бастаушыға көмек бергің келе ме – онымен бірге жаса.
Қарияға көмек бергің келе ме – оның орнына жаса.
Ұстаға көмек бергің келе ме – оған кедергі жасама.
Ал кертартпа ақымаққа көмек бергің келсе – өзің ақымақсың.

***

Адамдар: "Тағдыр солай шығар", - деп өзін-өзі жұбатады, шын мәнінде тағдыр деген – адамдардың өмірде өздері жіберіп алған қателіктерінің жиынтығы. 

***

Бір істі сеніп тапсырған адамымызды қайта-қайта тексере беруіміз өсімдікті отырғызып қойып, тамыры өсті ме екен деп қайта-қайта жұлып қарай бергенімізбен тең. 

***

Ақылды болуға жетелейтін үш жол бар: біріншісі – тәжірибе жолы, ол – ащы жол, екіншісі – еліктеу жолы, ол – ең жеңіл жол, үшіншісі – ойлау жолы, ең таза жол.

***

Ұстаз есікті ашып береді. Сен өзің шығуың керек. 

Ж. Жұмағұлов