Дәрігерлер ұзақ серуен мен бірнеше қысқа серуеннің пайдасын салыстырды. Annals of Internal Medicine журналында жарияланған зерттеу нәтижелерін Metro басылымы келтіреді, - деп хабарлайды Massaget.kz тілшісі.
Мамандар адамдардың күнделікті физикалық белсенділігінің әдеттегі ұзақтығы туралы деректерді жалпы өлім-жітім көрсеткішімен және әсіресе жүрек-қантамыр мәселелерінен болатын қауіп-қатермен салыстырған. Зерттеуге күніне 8 мың қадамнан аз жүретін және зерттеу басталған сәтте жүрек-қантамыр ауруы немесе қатерлі ісігі жоқ қатысушылар енгізілген.
Бақылау барысында 735 өлім жағдайы және 3119 жүрек-қантамыр асқынуы тіркелген. Бұл көрсеткіштер физикалық белсенділіктің қысқа-қысқа "өршуімен" (қысқа уақыттық белсенділік кезеңдерімен) байланысты екені анықталған: белсенділік "серпіндері" неғұрлым төмен әрі қысқа болса, қауіп соғұрлым жоғары болған.
Ұзақтығы 5 минуттан аз болатын қысқа серуендер қауіпті болып шықты: мұндай адамдарда шамамен 10 жылға жуық кезең ішінде барлық себептен өлім қаупі 4,36% жоғары, ал инфаркт пен инсульттің даму қаупі 13,03% жоғары болған.
Ал 15 минут және одан ұзақ уақыт серуендейтіндер ең төмен тәуекел тобына кірген: зерттеу бойынша осы кезеңде барлық себептен өлім-жітім 0,8%, ал жүрек-қантамыр патологияларынан болатын көрсеткіш 4,39% болған.
Өзекті жаңалықтарды өз уақытында оқу үшін Facebook парақшамызға жазылыңыз!
Massaget.kz