Өмір болған соң түрлі жайттар болады. Кездесіп жүрген қыз бен жігіт айырылысып кетсе, бұрын сыйланған сыйлықтарды қайтаруға мәжбүрлеу мүмкін бе? Заңгер Қуат Ауғанбек мұндай жағдайда не істеу керектігін айтты, - деп хабарлайды Massaget.kz тілшісі.
Заңгер әуелі бұл жігіттер үшін ұятты нәрсе екенін ескертті. Десе де, заң тұрғыдан алғанда сыйлықтар өз еркімен берілген болса қайтарылмайтынын айтты.
"Егер қыз немесе жігіт банк арқылы ақша аударып, бірақ ол жерде не мақсатты жіберілгені жазылмаса, оны қайтарып алуға болады. Өйткені олардың арасында некелік келісім, құжат жүзіндегі дәлелдемелік шарт, міндеттемелер жоқ. Ол екі адам бір-біріне бөтен адам болып есептеледі. Егер қыз немесе жігіт сотқа талап-арыз беретін болса аударылған белгілі бір сома қайтарылатын болады", - деп жауап берді маман.
Айта кетейік, ҚР АПК-нің 72-бабына сәйкес әрбір тарап өзінің талаптары мен қарсылықтарының негізі ретінде келтірген мән-жайларды дәлелдеуге, қорғау құралдарын пайдалануға, фактілерді бекітуге және даулауға құқығы бар.
Қызықты жаңалықтар мен видеоларды көру үшін TikTok арнамызға жазылыңыз!
Д. Литпин