Өрмекші торынан жасалған скрипка

Өрмекші торынан жасалған скрипка

Бір көзбен қарағанда бұл әдеттегіден еш айырмашылығы жоқ қарапайым скрипка ғана. Алайда одан шыққан дыбыс мүлдем өзгеше: аспаптың тембрі әлдеқайда қоңыр да терең. Басты себебі скрипка ішегінің өрмекші торынан жасалуында.

Ішек әрқайсысында бес мың өрмекші торы бар үш жіптен тоқылған. Үшеуі де бір жаққа, ал өз араларында – екінші жаққа айналдыра бұралған. Осындай тоқыманың арқасында жіптер арасында ауа қалмайды, сәйкесінше ішек берік болады екен.

Осы бір «өрмекші» скрипканы жапондық химик Сигееси Осаки жасап шыққан. 35 жасында ол хирургиялық жіп немесе бронежилет маталарын жасауға қолдану мақсатымен өрмекші торының қаншалықты берік екенін тексеріп шығыпты.

Ғалым керекті өрмекші торын өз бақшасында ұстаған 300 Nephila maculate-тен алады екен. Ағаш өрмекшілерінің осы бір үлкен түрі торының күрделілігімен ғана ерекшеленіп қоймай, өзінің көлемімен де таң қалдырады – аталған өрмекшілердің ұзындығы 17 сантиметрге дейін жетеді екен. Бұл Жапониядағы ең ірі өрмекшілердің бірі.

Өрмекші ішегі – әдеттегі нейлондыққа қарағанда анағұрлым берік екен. Ол 600 келіге дейінгі салмақты ұстай алатын көрінеді. Сонымен қатар, жоғары температура мен ультракүлгін сәулеге төтеп береді екен.

Дайындаған: Ерғали Елдос

Сурет: liveinternet.ru, birdsphotographer.com

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Итбегілік өнері ресми спорт түріне қосылуы мүмкін
Итбегілік өнері ресми спорт түріне қосылуы мүмкін
ФИФА ұлттық құрамада ойын өткізген футболшыға өзге құрамаға ауысуға рұқсат етті
ФИФА ұлттық құрамада ойын өткізген футболшыға өзге құрамаға ауысуға рұқсат етті
20 жыл ішінде әлем 100 миллион гектар орманнан айырылды
20 жыл ішінде әлем 100 миллион гектар орманнан айырылды
Әлемнің ең кәрі тұрғыны өмір сүру ұзақтығы бойынша рекорд жаңартты
Әлемнің ең кәрі тұрғыны өмір сүру ұзақтығы бойынша рекорд жаңартты
"Балмұздақ, зейнетақы, көкжиек": Ісләм Жарылғаповтың сөз маржандары
"Балмұздақ, зейнетақы, көкжиек": Ісләм Жарылғаповтың сөз маржандары
Тәбәрік деген не?
Тәбәрік деген не?