Бала тәрбиелеудің сыры неде?
Құрметті Массагеттіктер! Біріміз бала тәрбиелейтін жасқа келіп қалсақ, біріміз осы жауапты іске дайындалып жүрген шығармыз. Осыны ескеріп, назарларыңызға бала тәрбиесі туралы кейбір қызықты ойларды жиып-теріп ұсынып отырмыз.
- Жас балаларға үш нәрсені үйрету керек: жігіттік парыз, жігіттік жауапкершілік, жігіттік ар-намыс. Василий Александрович Сухомлинский
- Көпшілігіміз бала тууын туамыз. Бірақ адам жасап шығару туралы аса ойланбауымыз мүмкін. Олай болса, өз амбициямызды былай қоя тұрып, сәбилерімізді жарқыраған күндей етіп тәрбиелеуге бар күшімізді салалық. Максим Горький
- Таза, ашық, жайнаған балалық шақтың өкілдерін құрметтей білелік. Януш Корчак
- Үлкендер сәбилерге ренжімеуі керек. Бұл оларды жөндеудің орнына, кері кетіріп, бұза түседі. Януш Корчак
- Сәбидің сізге ерекше махаббатпен қарауын талап қылып, іздейтініңізді сезінсеңіз, сіз ана болуға дайынсыз. Василий Александрович Сухомлинский
- Балаға еркіндік беріңіз. Жан-дүниесі мен сезімдерін еркін айта алмайтын сәбиден жақсы адам өсіп шықпайды. Василий Александрович Сухомлинский
- Балалар қызыққа, әдемілікке, ойынға, музыкаға толы ертегілер әлемінде өмір сүруі керек. Василий Александрович Сухомлинский
- Баланы жақсылап тәрбиелеудің басты жолы - жақсы үлгі көрсету. Сондықтан жақсылыққа талпынып, өзіңізді жетілдіруге тырысыңыз. Лев Николаевич Толстой
- Балалық шақ - жүректі тәрбиелеудің ең басты кезеңі. Василий Александрович Сухомлинский
- Отбасылық өмірдің басты міндеті мен қызметі - бала тәрбиелеу. Тәрбиенің ең дұрыс құралы - ерлі-зайыптылардың қарым-қатынасы. Василий Александрович Сухомлинский
- Баланы тәрбиелеуді қиын көретіндердің міні мынада. Ол адамдар өзін-өзі тәрбиелеуге құлықсыз. Лев Николаевич Толстой
- Бала тәрбиелеу - шындап келгенде, өз-өзіңді тәрбиелеу. Лев Николаевич Толстой
- Сәбилер таза да пәк жаратылыс. Тіпті жыртқыш аңдардың балалары да періште кейпінде болады. Сондықтан, оларды қадірлеп, құрметтеуіміз керек. Оларды бірде аялап, бірде таптап көңіл-күйіміздің ойыншығы қылмауымыз керек. Антон Павлович Чехов
- Отбасы балалардан басталады. Александр Иванович Герцен
- Кез келген бала ештеңе білмей туады. Біздің мақсатымыз - оларға пайдалы білім беру. Екінші Екатерина
сурет: childnmom.ru