Мемлекет және қоғам қайраткері, бірнеше өңірдің әкімі болған Бердібек Сапарбаевтың келіні Адель Сапарбаева марқұм қайын атасы туралы естелігін бөлісті, - деп хабарлайды Massaget.kz тілшісі.
Ол күйеуі Жансұлтанның әкесімен алғаш танысқан сәтін еске алып, әлеуметтік желідегі парақшасында жазба жариялады.
"Жансұлтанның әкесімен алғаш танысуым мен ойлағандай болмады. Мен толқып бардым. Ұнағым келді. Алғашқы сәттен-ақ қабылдап, жылы сөз айтады деп үміттендім. Алайда бұл кездесу басқаша өтті. Салмақты. Сабырлы. Өте шынайы. Ол көп сөйлемеді. Өзін жақын ұстауға тырыспады. Бірден ең бастысына - ұлына деген алаңдаушылығы мен біздің ниетіміздің қаншалықты шынайы екеніне тоқталды. Сол сәтте мен қорықтым. Өзімді жақсы сезінбедім. Келісемін бе деп ойладым. Тыныштықты салқындық, алшақтық деп қабылдадым. Тек жылдар өте келе бұл суық болу емес екенін түсіндім. Бұл өзіне тән түрде көрсетілген қамқорлық болатын. Ол артық сөз айтпады. Тек бақылап, қарап, іштей шешім қабылдады", - деді ол.
Адель Сапарбаева қазір сол кездесуді ерекше жылумен еске алатынын айтты.
"Шынайылығы үшін. Тік мінезі үшін. Сөзбен дәлелдеуді қажет етпейтін құрметі үшін алғыстымын. Кейде қабылдау бірден келмейді. Және біз елестеткендей болмайды. Бірақ дәл сол себепті ол шынайы болады", — деп жазды ол.
Посмотреть эту публикацию в Instagram
Айта кетейік, Қазақстанның көрнекті мемлекет және саяси қайраткері Бердібек Сапарбаев 71 жасында 10 маусымда дүниеден өтті.
Бердібек Сапарбаев 1953 жылы дүниеге келген. Алматы халық шаруашылығы институтын бітірген. 2014-2015 жылдары - ҚР Премьер-министрінің орынбасары. Әр жылдары Қызылорда, Оңтүстік Қазақстан, Шығыс Қазақстан, Ақтөбе облыстарының әкімі болды. 2019 жылы Еңбек және халықты әлеуметтік қорғау министрлігін басқарды. 2019-2020 жылдары Премьер-министрдің орынбасары қызметін атқарған.
2020 жылдың ақпанынан 2022 жылдың сәуіріне дейін Бердібек Сапарбаев Жамбыл облысының әкімі, одан кейін "ҚазБiоПhарм" Ұлттық холдингі" АҚ директорлар кеңесінің төрағасы қызметін атқарған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Massaget.kz