Қазгидромет 8, 9, 10 шілдеге арналған ауа райы болжамын жариялады, - деп хабарлайды Massaget.kz тілшісі.
Атмосфералық фронтальды бөліктер өтуіне байланысты Қазақстанның басым бөлігінде жаңбыр жауып, найзағай ойнайды.
- 9-10 шілдеде солтүстікте, 10 шілдеде солтүстік-батыста, оңтүстікте, оңтүстік-шығыста қатты жаңбыр, бұршақ жауып, дауыл тұрып, жел соғады.
- Тек республиканың батысында солтүстік-батыс антициклоны әсерінен жауын-шашынсыз ауа райы сақталады.
Ел бойынша жел күшейеді. Түнгі және таңғы уақыттарда солтүстік өңірлерде тұман түседі.
"9-10 шілдеде күндіз батыста, оңтүстік-батыста қатты ыстық болады: 35-41 градус, солтүстік-батыста 35-38 градус болады. Солтүстік өңірлерде түнде 7-15, күндіз 20-27 градус жылы болады. Оңтүстік пен оңтүстік-шығыста ауа температурасы біртіндеп төмендейді. Қалған өңірлерде ауа температурасы айтарлықтай өзгермейді", - деп жазылған хабарламада.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова