Денені салқындатып, бойды сергітер балмұздақ дәмді ғана емес, сапалы болуы үшін неге назар аударған дұрыс? ҚР ДСМ Санитариялық-эпидемиологиялық бақылау комитеті балмұздақты қалай дұрыс таңдау керек екені жөнінде бірқатар кеңес берді, - деп хабарлайды Massaget.kz тілшісі "Алматы" телеарнасына сілтеме жасап.
Балмұздақ таңдағанда неге назар аударған жөн?
- Жапсырма. Өнімнің атауын тексеріңіз. Өсімдік майы қосылған балмұздақты өндіруші "өсімдік-кілегейден жасалған балмұздақ" немесе "өсімдік майынан жасалған балмұздақ" деп белгілеуі керек.
- Салмақ. Салмағы граммен көрсетілуі керек, өйткені миллилитр балмұздақтың нақты массасын көрсетпейді.
- Сыртқы түрі. Сапалы балмұздақ біркелкі боялған болуы керек. "Ақ реңктер" майдың пайызына байланысты: ол неғұрлым жоғары болса, түсі соғұрлым "сары" болады.
- Балмұздақ өзінің бастапқы пішінін сақтауы керек.
- Әрқашан жарамдылық мерзіміне назар аударыңыз, егер таңбалары жойылса немесе былғанған болса, сатып алудан бас тартқан дұрыс.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова