"Алты келін бір шаңырақ астында тұрады". Түйе сауып жүрген абысындар желіні тәнті етті
!["Алты келін бір шаңырақ астында тұрады". Түйе сауып жүрген абысындар желіні тәнті етті](/userdata/news/news_96229/image_l.jpg)
Фотограф Ернар Алмабек Маңғыстау облысына сапары барысында түйе сауып жүрген абысындарды суретке түсірді. Ауылдағы әдемі көрініс Қазнетті тәнті етті, - деп хабарлайды Massaget.kz тілшісі.
Видео Сенек ауылында түсірілген. Кадрларда абысындар бір шаңырақ астында алты келін тұратынын айтады.
"- Алты келін бір шаңырақтың астында?
- Иә, екі келін Өзенде, біреу жұмыспен, біз үйдеміз баламен, қалған келіндердің кішкентайлары бар. Үш ағайындыдан тараған балалар ғой. Біз немере келіндерміз осы үйде.
- Екеуміз немере келінбіз. Бірақ туған апам сияқты.
- Бәріміз бірге тұрамыз, ешкім бөлінбейді, бір үйде тұрған соң бір үйдің балаларымыз", - дейді келіндер видеода.
Видеодан алынған кадр
"Абысын тату болса, ас көп. Ағайын тату болса, ат көп" деген осы болса керек", - деп жазды Ернар Алмабек.
Посмотреть эту публикацию в Instagram
Желі қолданушылары ауылдағы жылы көрініске жақсы лебіздерін жазды.
"Абысындар бір-біріне уақыт өте ұқсап кете ме? Мынадай тату абысындардан айналып-ақ кетесің", "Тамаша", "Қандай күшті қыздар,бақытты болыңдар", "Керемет, қарапайымдылық", "Шіркін бәрібір қазақтың қыздары, келіндері мықты ғой, ешкім жетпейді оларға", "Айналайындар-ау, қандай анадан туған десей", - дейді әлеуметтік желідегілер.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова