Алматыда жылу қашан қосылады? Бұл сауалға Алматы қаласының Энергетика және сумен жабдықтау басқармасы жауап берді, - деп хабарлайды Massaget.kz тілшісі.
Басқарманың мәліметіне сүйенсек, бес күн бойы ауаның орташа тәуліктік температурасы +8 градус және одан төмен болған кезде жылыту маусымын бастау туралы шешім қабылданады.
Бірінші кезекте балабақшаларға, мектептерге, емханаларға, кәсіптік мектептерге және медициналық-әлеуметтік ұйымдарға жылу беріледі.
Кейін тұрғын үйлерде, жатақханаларда және қонақ үйлерде жылу қосылады. Содан соң әкімшілік ғимараттар, жоғары оқу орындары, театрлар және басқа да нысандар қосылады.
Қызықты жаңалықтар мен видеоларды көру үшін TikTok арнамызға жазылыңыз!