Дятлов асуының құпиясы 60 жылдан кейін ашылды

Дятлов асуының құпиясы 60 жылдан кейін ашылды

Ресейдің Свердлов облысында 1959 жылғы қар көшкіні Игорь Дятлов бастаған саяхатшылар тобының өліміне себеп болған. Бұл туралы Мәскеуде өткен баспасөз мәслихатында Ресейдің Орал федералды округі бойынша Бас прокуратура департаменті басшысының орынбасары Андрей Курьяков мәлімдеді.

"Қайтыс болған саяхатшылардың барлық жарақаты қар көшкіні кезінде альпинистер алған тән жарақатына ұқсайды", - дейді Курьяков.

Ол тексеру барысында барлық 9 саяхатшының алған жарақатына салыстырмалы талдау жүргізілгенін айтты. Олардың бірнешеуі: Александр Золотарев, Людмила Дубинина және Николай Тибо-Бринолдан басқалары, аяздан қайтыс болған.

Курьяков Золотаревтің қабырғалары сынғанын айтты.

"Қар көшкіні кезінде (3-4 метр биіктіктен құлаған қардың салмағы шамамен 500 келі) дене жарақаттары артқы жақтан қатты соққының салдарынан болады. Барлық қайтыс болғандардың соққысы дәл сондай артқы жақтан болған" - дейді Бас прокуратураның өкілі.

Қар астында қалған саяхатшылардың шатыры.

Ол дене жарақатары қатты басым салдарынан болғанын айтады.

"Мемлекет тарапынан тергеу аяқталды. Тұжырымдар жасалды және оларға қатысты шаралар қабылданды. Бұл жұмыс ресми түрде аяқталды дегенді білдіреді. Іс жабылды", - дейді Бас прокуратураның өкілі.

Өз кезегінде Орал федералды университеті саяхатшы-студентерге Дятлов асуына экспедициялар ұйымдастырмауға кеңес берді.

"Сараптама нәтижелерін, асудың қауіптілігін және аймақтың климат ерекшеліктерін ескере отырып, университет студенттерге аймақты зерттеуге бармауға кеңес береді", - делінген хабарламада.

Дятлов асуы

Айта кетейік, "Дятлов асуы" деп Солтүстік Оралдағы Отортен тауының асуы аталады. Дәл осы жерде 1959 жылдың ақпанында Игорь Дятлов бастаған саяхатшылар тобы апатқа ұшырады. Ол кезде белгісіз себептермен Орал политехникалық институтының түркі клубының 9 шаңғышысы – 5 студент, 3 инженер және лагерь нұсқаушысы қаза тапты. Топты 5-курс студенті Игорь Дятлов басқарған.

Сот-медициналық сарапшылардың мәліметінше, саяхатшылардың көпшілігі қатты суықтан қайтыс болған. Бірақ олардың кейбіреулерінің өліміне қатты соққы себеп болғаны анықталған.

Оқиғаның әртүрлі нұсқалары зерттелді, соның ішінде туристерге арналған шатырдың қар астында қалуы, түрмеден қашқан қылмыскерлердің өлтіруі, жергілікті тұрғындардың өлтіруі және саяхатшылар арасындағы дау.

1959 жылы бұл істі жабу туралы шешімде саяхатшылардың қайтыс болу себептері көрсетілмеген. Олардың киімінен радиацияның іздері табылған. 1959 жылы ақпанда аспанда "ерекше оттың пайда болуы" саяхатшылардың қайтыс болу сырын күшейте түскен.

Сондай тылсымға сенген Discovery арнасы 2014 жылғы деректі фильмінде саяхатшыларды "Қар адамы" өлтірген болуы мүмкін деп болжайды.

Оқиғаға байланысты, 2013 жылы АҚШ режиссері Ренни Харлин "Дятлов асуының құпиясы" (The Dyatlov Pass Incident) атты триллер түсірді.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

"Манчестер Сити" "Реалдан" айласын асырды, Роналдудың дублі "Ювентусты" келесі кезеңге шығара алмады (видео)
"Манчестер Сити" "Реалдан" айласын асырды, Роналдудың дублі "Ювентусты" келесі кезеңге шығара алмады (видео)
Аммиак селитрасы тарихта бірнеше рет үлкен жарылысқа себеп болған
Аммиак селитрасы тарихта бірнеше рет үлкен жарылысқа себеп болған
Үй жануарларына зиян бөлме гүлдері
Үй жануарларына зиян бөлме гүлдері
Еуропа лигасы. Ширек финалға шыққан командалар анықталды
Еуропа лигасы. Ширек финалға шыққан командалар анықталды
Күннің ысуы адамзатқа қауіп төндіре ме?
Күннің ысуы адамзатқа қауіп төндіре ме?
Қазақстанда 10 тамыз - Абай күні демалыс па?
Қазақстанда 10 тамыз - Абай күні демалыс па?