Жерге өзге ғаламшарлық кеме ұшып келеді

Өткен жылы Күн жүйесінде жұмбақ нысан пайда болған еді. Гарвард университеті ғалымдары оны Жерді зерттеуге жіберілген  өзге ғаламшарлық кеме  деп есептейді.

Сигара пішінді кемеге "Оумуамуа" деген атау берілген. Ол гавай тілінен аударылғанда "өткеннен келген хабаршы" деген мағына береді.  Алғаш рет ол 2017 жылы қазанда Гавай аралдары аспанынан Pan-STARRS 1 телескопы арқылы көрінген. Алдымен, ғалымдар оны комета не астероид десе, қазір ғаламшараралық кеме екенін айтады.

Смитсон орталығының астрофизиктері жасаған мәлімдемеге сай, ұзындығы енінен 10 есе үлкен күңгірт қызыл түсті нысан сағатына 316 мың километр жылдамдықпен қозғалады екен. Оумуамуа — Күн жүйесінде пайда болған алғашқы беймәлім жасанды нысан.