Дубайда Wi-Fi тарататын пальмалар пайда болды

Дубайда Wi-Fi тарататын пальмалар пайда болды
Фото: vinegred.ru

Дубайда сымсыз желiге қосылуға, телефонды қуаттауға және анықтамалық ақпарат алуға болатын «ақылды пальмалар» пайда болды, - деп хабарлайды BNews.kz тiлшiсi. 

Jevons.ru таратқан ақпаратқа сәйкес, сыртқы келбетi пальмаға ұқсайтын бұл құрылғы тек күн сәулесi арқылы ғана жұмыс iстейдi. Оның тоғыз «жапырағында» фотоэлементтер бар, ал, «ағаштың» өзi күнiне 7,2 кВт өндiредi. 

Қазiргi уақытта қалада мұндай екi пальма орнатылған – бiрi әлемге белгiлi Burj Al Arab қонақ үйiнiң алдындағы жағажайда, екiншiсi Zabeel Park саябағында. Бұл жаңалықты ойлап тапқандардың айтуынша, алдағы уақытта «ақылды пальмалар» халыққа бұдан да кең қызмет түрлерiн ұсына алады. Сонымен қатар, бiр жылдың iшiнде қала бойынша тағы 103 пальма орнату жоспарланып отыр екен.

Ф. Абилова