Көшеде кездескен мүсіндер (сурет)

Көшеде кездескен мүсіндер (сурет)

Көз алдыңызға елестетіп көріңізші, көшеде келе жатырсыз, кенет қабырғадан бөлініп шыққан немесе бір жартысы арғы бетте қалған адамды көрдіңіз... Жалған, ондайдың болуы мүмкін емес дерсіз? Мұның бәрі бір қарағанда солай көрінері анық, ал шын мәнінде америкалық суретші Марк Дженкинстің шығармашылық еңбегі болып саналады.

Оның жұмыстары бірінші кезекте жасалу материалымен ерекше. Дженкинс өзінің қол астындағы "нөкерлерін" тұрмыстағы қарапайым скотчтан жасайды. Мұндай мүсіндер кескінсіз әрі кеспірсіз шыққанымен, көрген жанның алғашқы қарауында үлкен таңданыс тудыруға жеткілікті екен. 

Дженкинстің ойынша, стрит-арт қоғамда маңызды орны бар сала. Скотчтан жасалған мүсіндер - жаңа заман қаласына көрік үстемелеумен бір қатарда ғасыр тудырып отырған жетімдік пен үйсіз-күйсіздіктің, қоршаған ортаның ластануы мен адамзаттың азап, ауыртпалығы турасында сыр шертпек.

Дженкинс бүгінде стрит-арт саласындағы ең танымал, нағыз бір майталман жандардың біріне айналып отыр. (Мүмкін, ол қазір бір қаланың көшесінде кетіп бара жатып, жаңа ойларын тудырып жатқан болар, мүмкін, бейтаныс жандарды өз мүсіндерімен қорқытып үлгерген болар ендігі...).

Суретші 1970 жылы Фэйрфакс (АҚШ, Вирджиния штаты) қаласында дүниеге келген. Бүгінде стрит-арт өкілі есепті әлемге кеңінен танылған. Еңбектері "Time Out New York", "The Washington Post" және "The Endependent" басылымдарына шығып тұрады. Және Еуропа мен АҚШ сынды алпауыт елдердің белді-белді деген мұражайларында еңбектері орын алған. 

Вашингтонда өмір сүріп жатқан суретшінің еңбектері сізге қалай әсер етті? Қандай баға берер едіңіз? Қандай ойдасыз?

Дайындаған: Фараби Арыстанбек

Сурет: gemolcianos.mforos.com; fresher.ru; kulturologia.ru; yesway.ru

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Қуат Хамитов қарсыласын бірінші раундта жеңді (видео)
Қуат Хамитов қарсыласын бірінші раундта жеңді (видео)
Итбегілік – бабадан қалған асыл мұра
Итбегілік – бабадан қалған асыл мұра
Бас неліктен ауырады?
Бас неліктен ауырады?
Ағылшын сөздерінің екінші мағынасын білесіз бе?
Ағылшын сөздерінің екінші мағынасын білесіз бе?
Қалай жатып ұйықтаған дұрыс?
Қалай жатып ұйықтаған дұрыс?
Димаш саундтрегін орындаған Джеки Чанның жаңа фильмі шығады
Димаш саундтрегін орындаған Джеки Чанның жаңа фильмі шығады