Үндістан жігіті "Әлем мырзасы-2016" атанды

Үндістан жігіті "Әлем мырзасы-2016" атанды
Фото: lathala.com

Ұлыбританияда "Әлем мырзасы-2016" байқауы өтті. Байқаудың жеңімпазы үндістандық 26 жастағы Рохит Ханделвал атанды.

Жігіт бастапқыда байқаудың басты фавориті саналған. Оның бойы - 182 сантиметр. Жігіт тележүргізуші және модель болып жұмыс істейді екен.

Miss World Organization компаниясының демеушілігімен ерлер арасындағы сұлулық байқауы 1996 жылдан бері өткізіледі. Сұлулық байқауы екі жылда бір рет өткізіліп тұрады екен. Байқаудың қатысушылары түрлі шараларға, оның ішінде су шаңғысын тебу, тауда велосипедпен жүру және марафон жарыстарына қатысады.

Айта кетейік, Қазақстан 2018 жылы тұңғыш рет "Әлем мырзасы" байқауына қатысады. Қазақстанды байқауда "Мистер Қазақстан" атағының иегері Зафар Сүлейманов таныстырады.

 


Дереккөз: tengrinews.kz

Е. Жұмабайұлы