Әлемдегі ең әдемі 10 мешіт

26 сәуір 2022, 13:40

Рамазан айының соңғы 10 күнінде Bayt Al Fann сайты дүние жүзіндегі ең әдемі мешіттердің өрнектелген суретін жариялады.

Байт әл-Фанн веб-сайты (Байт-ул фанн араб тілінен аударғанда "Өнер үйі" дегенді білдіреді) ислам дәстүрлеріне қатысты сәулет, көркем үлгілерді зерттеп, насихаттайтын авторларға арналған ғаламдық онлайн үй.

1. Шейх Лутфулло мешіті. Исфахан, Иран

Мешіттің құрылысы 1603 жылы басталып, 1619 жылы аяқталды. Оны Парсы патшасы Аббас I тұсында бас сәулетші Мухаммадризо Исфахани салған.

2. Жұма мешіті, Йезд, Иран

XIV ғасырда салынған мешіт әлі де пайдаланылып келеді. Ғимарат 1324 және 1365 жылдары қайта қалпына келтірілді.

3. Токио мешіті. Ояма-тё Сибуя ауданы, Токио, Жапония

Бұл Жапониядағы ең үлкен мешіт 1938 жылы құрылысы басталған. Оны түрік сәулетшісі Хилми Сеналп Османлы дәуіріндегі сәулет өнерінен шабыттанып салған.

4. Сұлтан Кабустың Ұлы мешіті, Маскат, Оман.

1992 жылы сол кездегі Оман сұлтаны Кабус ибн Сайид Әл Сайид елде үлкен мешіт салуға бұйрық беріп, 1994 жылы мешіттің жобасы жасалып, құрылысы басталды. Мешіттегі аспалы шамның биіктігі 14 метр.

5. Әл-Аскари мешіті, Самарра, Салахуддин гвардиясы, Солтүстік Ирак.

Әл-Аскари – 994 жылы салынған, Бағдадтан 125 шақырым жерде орналасқан Самаррадағы шииттердің мешіті мен кесенесі. Мәрмармен безендірілген бұл мешіт әлемдегі шииттердің ең маңызды қасиетті орындарының бірі болып табылады.

6. Боло Ховуз мешіті, Бұхара, Өзбекстан

Ол 1712 жылы Бұхарадағы Регистан алаңында, Арк бекінісінің алдында салынған. Кіре берісте 1917 жылғы ағаш бағаналар түрлі-түсті өрнектермен (нукарна) безендірілген.

7. Жұма мешіті, Дели, Үндістан

Оны 1650-1656 жылдар аралығында Шах ЖаҺан салған. Ескі Делиде орналасқан мешіт Бабыршах империясының аяғына дейін – 1857 жылға дейін патша әулетіне қызмет етті.

8. Әл-Набауи мешіті, Мәдина, Сауд Арабиясы

Бұл Мәдина қаласында Мұхаммед пайғамбардың (с.ғ.с.) Құба мешітінен кейінгі екінші мешіті. Бұл қазір Меккедегі қасиетті мешіттен кейінгі әлемдегі ең үлкен мешіт.

9. Хафиз мазары, Шираз, Иран

Ол 1773 жылы белгілі парсы ақыны Хафиз Ширазидің құрметіне салынған. Ашық павильондар Мусалла саябағында орналасқан, маусымдық өзеннің солтүстік жағалауында Хафиздің мәрмәр моласы бар.

10. Корольдік мешіт, Пәкістан

Бабури императоры Аурангзеб 1671-1673 жылдар аралығында салған бұл мешіт 1673-1986 жылдар аралығында әлемдегі ең үлкен мешіт болды. Қызыл құмтас пен түрлі өрнектері бар мәрмәр сатылар сәулет өнерінің маңызды үлгісі болып табылады.

Т. Раушанұлы