Жапония коронавирусқа байланысты әр азаматына 930 доллар төлейді

Жапония коронавирусқа байланысты әр азаматына 930 доллар төлейді

Жапония үкіметі елдің әр азаматына 100 мың иен (шамамен 930 доллар) мөлшерінде жәрдемақы төлуді бастады. Бұл туралы сейсенбіде әкімшілік істер және коммуникациялар министрі Санае Такаити мәлімдеді.

"Зейнетақы төлеу еліміздің 1388 муниципалитеттерінде басталды, бұл олардың жалпы көлемінің 79,7% құрайды", - деді ол.

Сәуір айының соңында Жапония коронавирус пандемиясынан кейін елдің экономикасын қолдау үшін биылғы қаржы қорына (2020 жылдың 1 сәуірінен бастап) қосымша 25,6 триллион иен (237 миллиард АҚШ доллары) көлеміндегі қаржы бөлген. Ел азаматтарына төленетін жәрдемақы осы қордан алынады.

Сондай-ақ, кеше Жапония үкіметі коронавирустың таралуына байланысты елде енгізілген төтенше жағдайды жою туралы шешім қабылдады. Бұл туралы премьер-министр Синдзо Абэ мәлімдеді.

"Бүгін мен Жапонияда төтенше жағдайды жойдым", - деген  премьер-министр

Режим Жапонияның бес префектурасында өз күшінде еді: Токио, Канагава, Сайтама, Тиба және Хоккайдо. Бұған дейін төтенше жағдай 47 префектураның 42-сінде тоқтатылған болатын.

Соңғы мәліметтер бойынша, Жапонияда коронавирус жұқтырған адамдардың саны 17,3 мыңнан асты, 860-тан астам адам қайтыс болды. 14 мыңнан астам адам емделді.