Қияр - ең танымал әрі қолжетімді өнімдердің бірі. Көпшілік оны жай ғана сергітетін көкөніс деп санайды. Дегенмен оның орасан зор пайдасы бар болып шықты, - деп хабарлайды Massaget.kz тілшісі.
Қияр 96 пайыз судан тұрады. Ал суды жеткілікті мөлшерде ішу мына себептер үшін өте маңызды:
- дене температурасын реттеу;
- бүйрек пен басқа да органдардың жұмыс істеуі;
- инфекциялардың алдын алу;
- есте сақтау және ұйқыны жақсарту.
Адам күнделікті тұтынатын сұйықтықтың шамамен 20 пайызын тамақтан алады, ал қияр - мұның бірден-бір көзі.
Қияр құрамында күшті антиоксидант қасиеттерге ие лигнандар, яғни өсімдік полифенолдары бар. Ол кейбір қатерлі ісік түрлерін, әсіресе, сүт безі қатерлі ісігі сияқты гормонға тәуелділердің қаупін азайтуы мүмкін.
Қияр құрамында флавоноидтар, жүректі қорғайтын фитонутриенттер бар. Ал флавоноидтар мына жағдайлар үшін пайдалы:
- антиатероген әсері (холестериннің пайда болу қаупін азайтады),
- антитромботикалық әсер (қан ұюының қаупін азайтады),
- антиоксидант қасиеті (жасушалардың қартаюын баяулатады).
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова