Адам қанша литр арақ ішкеннен кейін өліп кетуі мүмкін?

Адам арақтың қанша мөлшерін ішкеннен кейін өліп кетуі мүмкін? Хирург Александр Умнов рұқсат етілген шекті дозаны атады, - деп хабарлайды Massaget.kz тілшісі "Нealth.mail.ru" сілтеме жасап.

Адам бір литр арақты бір сағат ішінде немесе одан да жылдам ішіп қоятын болса, өліп кетуі мүмкін.

Маманның айтуынша, адам бауыры тек 120 миллиграмм этил спиртін өңдей алады. Егер алкоголь көп болса, бауыр "сүзгісі" оны алмайды, сөйтіп алкоголь қанға еніп, тіндерде жинала бастайды. Егер адам бір сағат ішінде бір литр арақ ішсе, қандағы этанол концентрациясы литріне 5-6 грамм деңгейінде болады. Бұл өлімге әкеп соқтыратын деңгей.

Алайда, соңы өліммен аяқталатын доза жеке сипаттамаларға байланысты өзгеруі мүмкін.

"Мысалы, адамның дене салмағы неғұрлым көп болса, этил спирті денеден тезірек шығарылады. Бауыр немесе жүрек аурулары жағдайды нашарлатады", - деді маман.

Егер адам қандай да бір медициналық препараттарды қабылдаса, әсерді болжау қиынырақ болады. Этанолға төзімділіктің жеке деңгейі де маңызды. Ауыр уланудың белгілері белгілі: дене температурасы төмендейді, тыныс алу баяулайды және импульс, керісінше, жеделдейді. Адамның сөйлеуі біртектес болмайды, эпилепсияға ұқсайтын галлюцинациялар мен ұстамалар пайда болады. Арақтың көп мөлшерін ішкеннен кейін, адам кеңістікте әрең қозғалады және сыртқы ынталандыруларға барабар жауап беруді тоқтатады.

Тағы да оқи отырыңыздар: Киіт пен кәденің айырмашылығы неде?

Өзекті жаңалықтарды өз уақытында оқу үшін Facebook парақшамызға жазылыңыз!