Таңертең немесе кешке: кардиолог қан қысымына арналған дәріні қашан ішу керегін айтты

Таңертең немесе кешке: кардиолог қан қысымына арналған дәріні қашан ішу керегін айтты
Фото: hlh.com.ua

Инфаркт пен инсульттің ауыр кезеңі таңертең болады деп есептеледі. Сондықтан ұйқыдан кейін қан тамырларының зақымдану қаупін азайту үшін қан қысымына арналған дәріні қабылдау ұсынылады. Бірақ бұл ереже бәріне бірдей пайдалы емес.

Қан қысымын төмендететін дәріні үнемі қабылдау керек. Бірақ ол гипертонияны толығымен емдей алмайды, тек симптомды жеңілдетеді және гипертониялық науқастардың ұзақ өмір сүруіне мүмкіндік береді. Бірақ бұл үшін тек дәрі-дәрмек жеткіліксіз. Инфаркт немесе инсульт ықтималдығын азайту үшін өмір салтына қатысты дәрігерлердің басқа ұсыныстарын  (тамақтану, физикалық белсенділік, ұйқы сапасы, эмоционалды тұрақтылық) орындау маңызды.

Дегенмен, қысымды төмендету үшін дәріні қашан қабылдаған дұрыс деген сұрақ, тіпті дәрігерлер үшін де сұрақ күйінде қалып отыр. Кардиолог Анна Кореневичтің айтуынша, дәріні кешке ішкен дұрыс деген бұрыннан қалыптасқан пікір дұрыс емес.

"Осы мәселені нақтылау үшін біз гипертониялық аурумен ауыратын 21 104 науқасқа зерттеу жүргіздік. Бір топқа қан қысымына арналған дәріні иаңертең ішуге, екінші топқа кешке ішуге кеңес бердік. 5 жыл бақылаудан кейін жүрек-қан тамырлары асқынуларының жиілігі екі топта да бірдей болды", - деді Анна Кореневич өзінің телеграм-каналында.

Әркімнің өз уақыты бар

20 жылдан астам тәжірибесі бар кардиологтың айтуынша, қан қысымы дәрісін қай кезде қабылдаған маңызды емес.

"Күндізгі уақытта адамдарда түрлі қысым болады. Бұл қан қысымының «тәуліктік профилі» деп аталады. Сол сияқты қан қысымы кешке көтерілетін адамдар да бар. Осыған байланысты науқастар дәрісін қай уақытта қабылдайтынын білуі керек", - деп түсіндіреді маман.

Тамақтан кейін емес, бұрын

Дәрігердің айтуынша, антигипертензивті препараттарды тамақтан кейін қабылдауға болмайды. Бұл олардың әрекетін бәсеңдетуі немесе бұзуы мүмкін. Анна Кореневич мұны күнделікті қан қысымының профиліне байланысты тамақтану алдында және бір уақытта жасауға кеңес береді.

Қан қысымын төмендету үшін қандай жаттығулар жақсы?

Жақында АҚШ университеттерінің бір топ зерттеушілері жаттығудың ерлер мен әйелдердің денсаулығына, соның ішінде қан қысымына қалай әсер ететінін анықтауға шешім қабылдады. Олардың экспериментіне 30 әйел мен 26 орта жастағы ер адам қатысты.

Әйелдер үшін таңғы жаттығулар қан қысымын төмендетудің ең тиімді әдісі болып шықты, ал ерлер үшін кешкі жаттығулар систолалық (жоғарғы) қан қысымын төмендетуге пайдалы екен.

Т. Раушанұлы