Көзілдірік тағу көруді нашарлата ма – офтальмолог жауабы

Адамдар алысты дұрыс көрмесе де көзілдіріксіз жүре береді. Көзілдірік тағу көзді «жалқау» етеді деген пікір бар. Дәрігер адамның көру қабілеті нашар болғандықтан көзілдірік тағайындады, бірақ кейбіреулер оны қандай да бір себеппен мүлде кигісі келмейді.

Егер көру қабілетіңіз соншалықты нашар болмаса көзілдірік кимеу қауіпті ме? Көзілдіріксіз ешқайда бара алмайтыныңызды қалай түсінуге болады және көзілдірік керісінше көзге зиян ба? Осы сияқты маңызды сұрақтарға Офтальмолог-дәрігер Евгений Гурмизов жауап берді.

© ochkov.net

Көру қабілетіңіз нашарлағанын қалай түсінуге болады?

Евгений Гурмизовтың айтуынша, офтальмологқа бармай-ақ, көздің көру қабілетін тексеретін бірнеше жол бар.

«Көздің нашарлап бара жатқаны күнделікті өмірде көрінеді. Мысалы, компьютерде жұмыс істегенде, әсіресе әріптерді көру үшін мониторға жақындайсыз. Смартфонды пайдаланған кезде экрандағы әріптер бұлыңғыр болса, телефонды көзге жақындатып немесе алыстату қажеттілігі туындайды. Мұның бәрі адам көзінің нашарлап бара жатқанын білдіреді», - дейді ол.

Басқа жалпы белгілер:

• ымыртта бұлыңғыр көру;

• Шаршаған кезде бас ауруы (мысалы, мониторда өткізілген ұзақ жұмыс күнінен кейін);

• Бейнелердің бұлдырап екеу боп көрінуі.

Көзіңізде бірдеңе дұрыс емес екенін түсіндіңіз делік, дәрігерге жазылдыңыз және сізге көзілдірік немесе линза қажет екенін білдіңіз. Бұлардың қайсысы жақсы? Гурмизов олардың арасында денсаулық үшін ешқандай айырмашылық жоқ екенін айтады.

«Көзілдірік те, линзалар да оптикалық аномалияларды түзетудің тиімді және қауіпсіз әдістері. Мәселе ненің жақсы немесе нашар екенінде емес, нақты адам үшін қай түрі қолайлы екенін түсініп алу керек. Кейбір адамдар көзілдірік киюді ыңғайсыз деп санайды, ал басқалары линзаларды киюді қиын дейді. Барлығы жеке өзіңізге байланысты», - дейді офтальмолог.

Көруді түзетудің қай әдісі сізге сәйкес келетінін түсіну үшін офтальмологпен байланысыңыз, кешенді диагностикадан өтіп, өмір салтыңызды талдаңыз. Егер сіз спортпен көп айналыссаңыз, көзілдірік кию өте ыңғайлы болмауы мүмкін. Немесе контактілі линзаларды күніне 10 сағаттан артық тағып жүрсеңіз, күннің соңына қарай ыңғайсыздықты сезінуіңіз мүмкін.

© wonderzine.com

Көзілдірік тақпаса не болады?

Дәрігер бұл жағдай көздің көрі қабілеті нашарлай түсетінін айтады.

«Көзілдірікті және контактілі линзаны миопияның, гиперметропияның немесе астигматизмнің дәрежесі бойынша киюге шектеулер жоқ. Егер минус 0,5 көру қабілеті бар адам ыңғайсыздықты сезінсе, онда ол көзілдірік немесе линзаларды таңдау үшін офтальмологпен байланыса алады. Сонымен қатар, түзеткіш оптикадан бас тарту, тіпті  көз соншалықты нашар көрмесе де, әртүрлі қашықтықта көруді шоғырландыруға жауап беретін цилиарлы бұлшықеттің шамадан тыс кернеуіне байланысты көру қабілетінің одан да үлкен бұзылуына әкелуі мүмкін», - дейді дәрігер.

Офтальмолог көзі нашар көретін балалардың көзілдірік тақпауының салдарын да түсіндірді.

«Егер балалар офтальмологы балаға көзілдірік жазып берген болса, бірақ ол көзілдірікті тақпаса, бинокулярлы көру қабілетінің қалыптасуында проблемалар болуы мүмкін. Бұл мидың екі суретті біртұтас айқын суретке біріктіру қабілеті», - дейді ол.

Егер дәрігер сізге тек «қашықтыққа» немесе «оқу үшін» көзілдірік тағайындаған болса, оптиканы үнемі пайдаланудың қажеті жоқ.

Көзілдірік зиян болуы мүмкін бе?

«Көзілдірік кигендіктен көз «жалқау» болып кетеді, содан кейін көру одан сайын нашарлайды» дегенге сенетіндер бар. Дегенмен, дәрігер бұл кең таралған қате пікірді жоққа шығарды.

«Көз жұмыс істеуі үшін арнайы көзілдірікті көп тақпау керек деген теория миф. Көзілдірікті үнемі киюдің салдарынан көру нашарлайтынын дәлелдейтін бірде-бір расталған зерттеу жоқ. Көзілдірік пен линзалар көзі нашар көретін адамның 100 пайыз дұрыс көретіндей жағдай жасайды. Біз көру жүйесін жақсы көруге мүмкіндік береміз, көз торына нақты фокусты қамтамасыз етеміз, осылайша көру жүйесі дұрыс жұмыс істейді», - дейді Евгений Гурмизов.