Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ
Негізгі / Лайфстайл / Денсаулық / Компьютермен жұмыс істеуде денсаулықты қалай сақтаймыз?

Компьютермен жұмыс істеуде денсаулықты қалай сақтаймыз?

Компьютермен жұмыс істеуде денсаулықты қалай сақтаймыз?

Компьютерде ұзақ уақыт отыратын немесе жұмысы тікелей компьютермен байланысты адамдарға қызыл көз, бүкірейген арқа және күңгірт тері белгілері жақсы таныс. Өміріңізде мұндай жағымсыз жайлар орын алмас үшін бірнеше кеңес ұсынамыз.

1. Кресло сатып алыңыз

Қарапайым орындық жарамайды. Дене пішініңізді бұзып алмас үшін арнайы анатомиялық қалыптағы компьютер креслосын алу керек. Орындықтың қаттылығы орташа, ал орындықтың өзі биіктік және еңкіші бойынша реттелетін болуы қажет. Сонымен қатар, жалпақ шынтақша да артық емес.

2. Стационарлық компьютер ноутбуктан жақсы

Денсаулық үшін стационарлық компьютер ноутбукке қарағанда тиімді. Ноутбукпен жұмыс кезінде қолыңыз асылып тұрған күйде болады, омыртқа дөңгелектенеді, ал экранға дұрыс емес градуста қарауға мәжбүр боласыз. Егер амал болмаса, ноутбукке арналған арнайы тіреуіш алыңыз. Оны монитор көз деңгейінде тұратындай етіп, бірақ 50 см қашықтықта орналастырыңыз.

3. Қозғалыңыз

Егер компьютерде күні бойы отыра берсеңіз, ағзадағы қан айналымы бұзылады. Әсіресе, дененің төменгі бөлігі зақымдалады. Ол геморрой, омыртқа жарығы және буын ауруларына әкелуі мүмкін. Әрдайым интеллектуалды күш салу, көз және бас сүйек бұлшықетіне күш түсіру бас ауруына және созылмалы күйзеліске алып келеді.

Бұлардың барлығынан құтылу үшін 1 сағатта бір рет болса да үзіліс жасап тұру керек. Егер мүмкіндік болса, таза ауада серуендеңіз. Ғалымдардың айтуынша, 15 минуттық жүрістің өзі тағы 2 сағатқа күш береді екен.

4. Жарық таңдаңыз

Терезеге қарсы отырып жұмыс істемеңіз. Негізі жарықтың жасанды болғаны дұрыс. Күннің көзі оптимизм сыйлағанмен, ол тұрақсыз. Қалай десе де, жарық жетіспегеннен гөрі оның артық болғаны жақсы. Қараңғыда көз жағымсыз қарама-қарсылықпен күресуге мәжбүр болады: ашық экран мен қараңғы фон. Кешке және түнде міндетті түрде шам қосыңыз.

5. Артықтың бәрін алып тастаңыз

Қасыңызда өзіңізбен бірге кактус немесе тамағы бар тәрелке ұстағанды ұнатсаңыз, оны алысқа ысырып қойыңыз. Үстел үстіндегі артық заттар алаңдатады және қолыңызды дұрыс ұстауға кедергі келтіреді. Қол үстелге сыю керек, әйтпесе буындар мәселесі басталуы мүмкін.

0
Рейтинг: +0

Дайындаған: Ақтоты Жапатова
Фото: pixabay.com
Қосылған күні: 04 шілде 2018, 19:43

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.