• 500.67
  • 490.7
  • 6.04

WhatsApp неге аккаунтыңызды жоюы мүмкін?

WhatsApp неге аккаунтыңызды жоюы мүмкін?
Фото: depositphotos.com

WhatsApp пайдаланушылардың қауіпсіздігін қамтамасыз ету, деректерді сақтау мақсатында кейбір аккаунттарды жоюы мүмкін, - деп хабарлайды Massaget.kz тілшісі.

WhatsApp мәліметінше, есептік жазбаны жоюдың негізгі себептерінің бірі - ұзақ уақыт бойы белсенді болмау. Егер 120 күн бойы WhatsApp-қа кірмесеңіз, жүйе бұл профиль қажетсіз деп танып, оны өшіреді.

Есептік жазба жойылмауы үшін мына кез келген әрекетті орындау қажет:

  • хабарлама жазу;
  • қоңырау шалу;
  • профиль суретін өзгерту.

Тек қосымшаны ашу жеткіліксіз, интернетке қосылу керек. WhatsApp-ты ашып, бірақ интернетке қосылмасаңыз, бұл белсенділік ретінде есептелмейді.

Есептік жазба жойылғанын қалай білуге болады?

"WhatsApp профилі автоматты түрде жойылды" деген хабарлама пайда болуы мүмкін. Профиль суретіңіз де жоғалады. WhatsApp-та сақталған нөмірлер де өшіріледі.

Дегенмен телефоныңызда сақталған чаттар мен медиафайлдар жойылмайды, егер қосымшаны өзіңіз өшірсеңіз жойылуы мүмкін. Егер сол құрылғыда қайта тіркелсеңіз, барлық дерек қалпына келеді.

WhatsApp есептік жазбаңызды сақтау үшін интернетке қосылып, анда-санда қосымшаны пайдаланып отыру керек.

Қызықты жаңалықтар мен видеоларды көру үшін TikTok арнамызға жазылыңыз!

Ж. Қадыржанова
Logotype Massaget