Дәрігерлердің айтуынша, асқазан жарасын емдеуге болады. Алайда ол оңай және жылдам емес. Doctorpiter.ru порталы егер адам оны емдемей, жарты жолдан "тастап" кетсе, не болатынын анықтады, - деп хабарлайды Massaget.kz тілшісі.
Жара – асқазан қабырғасындағы терең жарақат. Ол шырышты қабықша зақымдалған кезде пайда болады. Оған жиі Helicobacter pylori бактериялары кінәлі. Сондай-ақ қабынуға қарсы стероидты емес дәрі-дәрмекті жүйелі түрде ішу де асқазан жарасын тудыруы мүмкін. Асқазан жарасымен аурып қалу қаупі жас ұлғая келе артады.
"Жара – бұл асқазан шырышты қабығының ұзақ уақыттан бері қабынуының салдары. Қандай бір уақыттан кейін органда жарақаттар пайда болады. Әдетте жара көпшілік мән бермейтін гастриттен бастау алады", - деп түсіндірді онколог Иван Карасаев.
Қабыну асқазаннан ары қарай оңай кете беретінін көпшілік біле бермейді. Бұл кезде аш ішек жарасы пайда болады. Бұл қауіптірек.
Ол несімен қауіпті?
Кей адамдар жара – жай ғана жағымсыз нәрсе, брақ онымен ары қарай өмір сүруге болады деп ойлайды. Алайда бұл олай емес. Егер ауруды ұлғайтып алсаңыз, қауіпті асқынулар дамуы мүмкін.
Мысалы:
- ішкі қан кету;
- асқазанның тесілуі;
- асқазан ішіндегі нәрсенің құрсақ қуысына шығып кетуі (өлімге әкелуі мүмкін, сондықтан жедел ота жасалады);
- жараның онкологияға айналу бейімділігі жоғары.
Иван Карасев бұл ауруды міндетті түрде емдеуге, бақылауға және өз дәрігеріңізді тыңдауға кеңес берді.
Асқазан жарасының белгілерін мына жерден оқи аласыз.