Мыңдаған қазақстандық жұп тойға бір күнді, яғни 26 маусымды таңдаған. "Азаматтарға арналған үкімет" мемлекеттік корпорациясы өкілдері қай қалаларда той көп болатынын айтты, - деп хабарлайды Massaget.kz тілшісі.
26 маусымда неке қиюға өтініш қабылдау 11 маусымда аяқталып қалған.
"Сандардың ерекше үйлесімі бар күндер сұранысқа ие. Осы жолы белсенділік танытқан Алматы қаласы, мұнда 830 өтініш тіркелді, Астана тұрғындарынан 740 өтініш түсті. Ал Шымкент қаласында өтініш саны 141-ге жетті", - деп жазылған хабарламада.
Айта кетейік, биыл тағы мынадай ерекше күндер бар:
- 26.07.2026 (жексенбі);
- 06.08.2026 (бейсенбі);
- 26.08.2026 (сәрсенбі);
- 26.09.2026 (сенбі);
- 06.10.2026 (сейсенбі);
- 26.10.2026 (дүйсенбі);
- 06.11.2026 (жұма);
- 26.11.2026 (бейсенбі);
- 26.12.2026 (сенбі).
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова