Елімізде 10 тамызда Абай күні атап өтіледі. Осыған орай Ұлттық статистика бюросы ұлы ақынның есіміне қатысты қызық статистика жариялады, - деп хабарлайды Massaget.kz тілшісі.
Абай есімді қанша адам бар?
Бүгінде Қазақстанда Абай есімді 18 961 адам тұрады. Бұл есім ең көп таралған өңірлер - Астана қаласы (2 186 адам), Түркістан облысы (2 008 адам) және Алматы қаласы (1 740 адам).
"Ең үлкен" Абай
Абай есімді адамдар арасындағы ең үлкені 1932 жылы туған. Бұл есімді иеленгендер арасында 30-34 жас аралығындағы азаматтар саны басым: 3 267 адам.
Қанша сәбиге Абай есімі қойылған?
Абай есімі жаңа туған сәбилерге де жиі қойылады. Биыл алғашқы жартыжылдықта 91 балаға осы есім берілген.
Абай есімді 9 әйел бар
Қазақстанда Абай есімді 9 әйел тіркелген. Сонымен қатар, Ибраһим, Ибрагим және Ибрахим есімдерін иеленген 37 844 адам бар.
Облыс, қала, ауыл атаулары
Ұлы ақынның есімі еліміздің географиялық атауларында да кең көрініс тапқан. Қазір Абай есімімен 1 облыс, 1 қала, 3 аудан және 26 ауыл аталады.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова