"Қазір заман басқа". Сәкен Майғазиев желіде немересін ұрған әже туралы ойын айтты
Танымал әнші Сәкен Майғазиев желіде тараған видеоға қатысты ойын жазды. Ол видеодағы әже мен немеренің қарым-қатынасына тәнті болды, - деп хабарлайды Massaget.kz тілшісі.
Өнер иесі видеодан шынайылықты және тәрбиені көргенін айтты.
"Әжеңнің түйіп қалғаны мен атаңның нұқып қалғаны, анаңның айқайы мен әкеңнің ашулы көзқарасы майдай жағатын кездер-ай! Мына бейнебаяннан шынайылықты, тәрбиені, тазалықты, жанашырлықты көрдім. Әженің немереге, немеренің әжеге деген кіршіксіз махаббатын көрдім.
"Жасөспірім жарақаты" (детская травма) дегенді қырық жасыма келгенде психологтан естідім" деген екен бір кісі. Психологиялық жарақат алмай-ақ, мұғалімдерден (апай, ағай), аға-әпкелерімізден таяқ жеп өстік қой. Қазір заман басқа", - деді әнші.
Әнші отбасы құндылықтарын сақтау ұлт болып қалуға көмектесетінін айтты.
"Ақсақалдар академиясы, отбасы институты, жазылмаған дала заңы, асыл дінімізбен астасып, сабақтасқан салт-дәстүр, әдет-ғұрып, ырым-тыйым, үлкенге құрмет, кішіге ізет сынды құндылықтарды қайтару арқылы ұлт болып қаламыз деп ойлаймын.
Мына көріністің соңында бесіктегі балапанның әжесінің қолын сүйгені ерекше әсер етті. Қатты сүйсіндім. Міне нағыз махаббат! Әр әулетте атаның берген бұйрығы, әженің айтқан ақылы шеру құрсын", - дейді өнер иесі.
Посмотреть эту публикацию в Instagram
Өзекті жаңалықтарды өз уақытында оқу үшін Facebook парақшамызға жазылыңыз!
А. Жапатова