Сиви Махмуди Дубайда өткен тойын жүргізген асабаға қанша төлегені белгілі болды

Танымал әнші, актриса, продюсер Сиви Махмуди тойын жүргізген асабаға қанша гонорар бергені белгілі болды, - деп хабарлайды Massaget.kz тілшісі.

Мұндай ақпаратты журналист Анна Данченкоға берген сұқбатында асаба Руслан Ысқақ айтты. 

"Өмірімде алған ең үлкен гонорар 20 мың доллар. Дубайда жүргізген тойдан алдым. Одан кейінгі қомақты қаржыны Сиви Махмудидің тойында таптым. Ұмытпасам 2013-2014 жылдары болуы керек. Дубайда өткен тойын басқарғаным үшін 10 мың доллар төлеген болатын. Сосын Стамбулда және Италиядағы Флоренцияда өткен тойларда 15-20 мың доллар гонорар алған болатынмын", - деді асаба. 

Сонымен қатар, шоумен Руслан Ысқақ сұқбатында Қазақстанға жиі келетін, бағасы қолжетімді шетелдік әншілер туралы да айтқан болатын. 

Аптаның басты оқиғалары мен пайдалы видеоларды көру үшін YouTube арнамызға жазылыңыз