"Дым қалған жоқ". Су тасқынынан үйі құлаған ер адамның баласына жазған хаты тарады
Желіде Ақтөбе облысында су тасқынынан үйі құлаған ер адамның баласына жазған хаты тарап жатыр, - деп хабарлайды Massaget.kz тілшісі.
Онда баласы әкесіне "Ауылға су келейін деп жатыр ма тағы?" деп жазған. Оған әкесі "Құдай біледі" деп жауап берген.
Бір тәуліктен соң әкесі баласына үйлерінің құлағанын айтқан.
"Қалайсың, балам, амансың ба? Әй, ауыл кетті, түгел кетті. Үй де кетті. Үйдің құлағанын көзіммен көрдім ғой. Балабақшаның төбесіне шығып қарап тұрдық. Ауылдың бүкіл үйі құлады. Қойлар Ойылда тәтенің үйінде, сиырлар Барқында, ат Барқында. Тікұшақпен көрдім, аман-есен, бірақ үйдің құлағанын көзіммен көрдім, дым қалған жоқ, опырылып, судың ішіне түсті. Су деген кәдімгі шатырға жетті ғой. Аман болайық, деніміз сау болсын", - дейді ер адам баласына.
Посмотреть эту публикацию в Instagram
Instagram парақшамызға жазылып, ең қызықты ақпараттарды бірінші болып оқыңыз!
М. Лұқпан