Ішікке бас киім таңдайық

Қазіргі кезде ішік кию – жылынатын міндетті және жалғыз әдіс емес. Ішікті көп жағдайда салтанатты көрінуге қолданады. Сондықтан оған бас киімді де жылы ұстайтынын емес, әдемі көрінетінін таңдайды. Алайда арамызда ішікті жылылығы үшін киетіндер де аз емес. Сонымен, ішікке қандай бас киім жарасады?

Бастысы ішікті тері бас киіммен бірге кимеңіз. Кей жағдайда мұндай үйлесім сәтті шығуы мүмкін. Мысалы, барлық үлгі дизайнермен мұқият таңдалғандықтан подиумда  әдемі көрінеді. Бірақ, күнделікті өмірде ол екеуін үйлестіру қиынға соғады.

Қалпақ

Егер сіз ішікті әдемілік үшін кисеңіз, онда бас киім ретінде қалпақпен үйлестіруге болады. Қалпақ пен ішіктің түсі бір реңкте болғаны жақсы.

Трикотаж бас киім

Жылулық пен ыңғайлықты бірінші орынға қойсаңыз, ішікті трикотаж бас киіммен үйлестіріңіз. Оның тегістеу байламнан жасалғаны жақсы. Мұндай киім үлгісін жіберілген шаш көркейте түседі.

Берет

Берет әлі де сәнде екенін ұмытпаңыз. Бас киімнің бұл түрі бойжеткендерді нәзік етіп көрсетеді. Оның басты артықшылығы – басыңызды жылы ұстауымен қатар сәнді көрінуінде. Беретті таңдарда басыңызда қозғалмай, дәл тұруын және қалыңдау матадан болуын ескеріңіз. Ол ішікпен жақсы үйлесім табады.

Орамал

Орамал немесе шарф ішікпен сөзсіз керемет жарасады. Орамалдың жылы түрін таңдасаңыз, тоңбайсыз және күз-қыс топтамасында орамал тағу сәнді бас киімдер арасында бар екенін ұмытпаңыз.