Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Арнайы жобалар директоры

Материал жіберу БЛОГ ЖАЗУ
Негізгі / Бойжеткен / Сән / Әлемдегі ең қымбат тастар

Әлемдегі ең қымбат тастар

Әлемдегі ең қымбат тастар

Көптеген адам гауһарды ең қымбат тас деп санайды. Алайда одан да қымбат әрі әдемі асыл тас түрлері баршылық. Олар қандай тастар?

Еремеевит

Еремеевит — алғаш рет 1883 жылы Байқалдың арғы жағынан табылған, сирек кездесетін асыл тас. Басында оны ашық көгілдір түсіне қарап, аквамарин деп қабылдаған еді. Соңғы жүзжылдықтарда оның ашық сары, түссіз түрлері табылды. Алайда нарықта еремеевиттің көгілдір түсі ең қымбат тастардың бірі саналады. Оның атауы орыс минерологы Павел Еремеевтің құрметіне қойылды. Еремеевиттің бір караты орта есеппен 1500 долларға тең.

Көгілдір гранат

Көгілдір гранат — алғаш рет 1990 жылдың соңына қарай Мадагаскарда табылды. Бүгінде мұндай түстес тастар АҚШ, Танзания, Шри-Ланка, Кения мен Норвегияда кездеседі. Олардың басты ерекшелігі – жарық ауысқанда түсін өзгертеді. Жарық кезде ол көгілдір, көк, жасыл болса, жасанды жарықта қызарады. Бүгін бұл тастың 1 караты 1500 долларға тең.

Қара опал

Қара опал — опал тобының ең асыл тасы. Оны Австралия, АҚШ, Бразилия мен Мексикада табуға болады. Бұл типті опалдың түсі сұрдан қараға дейін кездеседі. Қазір бұрынғыдай сирек кездесетін болмаса да, қара опал өте қымбат тұрады. Жоғары сапалы тасының 1 караты шамамен 2000 долларға тең.

Демантоид

Демантоид — гранаттар тобының жасыл, сары-жасыл реңкті тасы. Біраз уақыт бұл тасты тек коллекционерлер танып, білетін. Негізгі кен орындары — Иран, Пәкістан, Ресей, Кения, Намибия мен Танзания. Жыл өткен сайын бұл тастың танымалдылығы артып келеді. Онымен қатар бағасы да өсуде. Бүгінде демантоидтің бір караты әлем нарығында шамамен 2000 долларға тең.

Тааффеит

Тааффеит — әлемдегі сирек тастардың бірі. Оның аты алғаш тапқан Эдуард Тааффенің құрметіне қойылған. Ол 1945 жылы асыл тастардың арасынан ерекше көзге түсетін үлгіні көріп қалып, өз атымен атады. Тааффейттің реңктер спектрі лаванда түсінен ашық қызғылтқа дейін ауысады. Қазірде бұл ерекше минерал Шри-Ланка мен Танзания кен орындарынан ғана шығады. Жоғары сапалы үлгілерінің бір караты 2-5 мың долларға дейін бағаланады.

Дайындаған: Фариза Абилова
Фото: newpix.ru
Қосылған күні: 10 маусым 2015, 11:18

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.