Жігіттер сәні: костюмды қандай түспен үйлестіру керек?

Костюм киген жігіттерді көргенде әрбір қыз қызығып қарайды. Сондықтан жігіттер қауымына да сәннен біраз кеңес ұсынамыз!

Сұр костюм

• Сұр түсті костюм мен көк түсті жейде, галстук, жемпір жақсы үйлеседі. Бұл классикалық вариант.
• Ақ түсті жейдемен кигіңіз келмесе, көгілдір түсті жейдені таңдауыңызға болады.

Көк костюм

• Бұл түстегі костюмді ақ түспен үйлестіру жиі кездесетін үлгі. Өзіңізді ерекше етіп көрсету үшін, стилистер қара, сары түстерді де қосуға кеңес береді.
• Қызғылт түсті жейдемен кию классикалық ағылшын стиліне сәйкес келеді.

Қоңыр костюм

• Коңыр костюмді көкшіл сұр (хаки) түспен үйлестіруге болады.
• Сарғыш, ақшыл сары түсті жейдемен кию қара торы жігіттерге ерекше жарасады.

Қара костюм

• Қара костюм мен қара түсті жейдені кешкі отырысқа, кездесуге киген дұрыс. Бетіңіздің терісі ақшылданып, дене бітіміңіз сұңғақ көрінеді. Бұл үлгі кеңсеге арналмағанын ұмытпаңыз.

• Қызыл түсті таңдасаңыз жұрттың назары сізге түсетіні сөзсіз.
• Қара түсті костюмді сұр түсті жейдемен кию ең ұтымды үйлесім.

Дайындаған: Фариза Әбілова

Сурет: vk.com