Төгілген әтір иісінен қалай құтыламыз?

Төгілген әтір иісінен қалай құтыламыз?

Әтірдің хош иісі құрамындағы эфир майларының арқасында теріде ұзаққа дейін сақталады. Бірақ әтірдің ыдысы сынып, ішіндегі сұйықтық түгелімен еденге төгіліп қалса, ол адамға жағымды әсер бере қоймайды. Төгілген әтірдің иісі басты ауыртып, біразға дейін оңайлықпен кетіп болмайды. Төгілген әтір иісін жылдамырақ кетіру үшін не істеуге болады?

Егер бір құты әтір еденге төгілсе...

-  Әтірді құрғақ шүберекпен сүртіп алыңыз. Құрғақ шүберек сұйықтықты өзіне сіңіріп алады;
- Су мен сірке суын 1:1 қатынаста араластырыңыз. Оған таза шүберекті сулап, онымен ластанған жерді сүртіңіз. Сол кезде әтір иісі аздап басылады;
- Содан соң әтір төгілген жерге ас содасын сеуіп, 10 минутқа қалдырыңыз. Оны ылғал шүберекпен жинап алыңыз. Ас содасы әтір қалдығын кетіріп, иісті азайтады;
- Әтір төгілген бөлмеге ұнтақталған кофе салынған кесе әкеліп қойыңыз. Кофе кез келген иісті өзіне сіңіріп алады. Бірнеше күннен соң әтір иісі толықтай кетеді.

Егер бір құты әтір кілемге төгілсе...

- Әтірді түктің ыңғайына қарай сүртпеңіз, оның орнына таза шүберекпен сұйықтықты сіңіріп алуға тырысыңыз;
- Түкке бүріккішпен (пульверизатор) сірке суы ерітіндісін шашып, 30 минутқа қалдырыңыз. Содан соң ылғал шүберекпен сүртіп алыңыз;
- 1 стақан суға 1 шай қасық ыдыс жууға арналған сұйықтықты ерітіңіз. Бұл қоспаны бүріккіштің көмегімен кілемге шашыңыз. Кілемнің әтір төгілген жерін суық сумен жуып, таза құрғақ шүберекпен немесе қағаз майлықпен құрғатыңыз.
- Егер әтір иісі кетіп болмаса, кілемге ас содасын сеуіп, түнге қалдырыңыз. Ал таңертең  оны шаңсорғышпен сорып алыңыз.

Әтір мен иіссу айырмашылығы

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Жүрекке пайдалы азық-түліктер
Жүрекке пайдалы азық-түліктер
Қазақстанның екі табиғи қорығы ЮНЕСКО-ның биосфералық резерваты тізіміне енеді
Қазақстанның екі табиғи қорығы ЮНЕСКО-ның биосфералық резерваты тізіміне енеді
Елде жалдамалы жұмысшылар құқығын қорғайтын заң мақұлданды
Елде жалдамалы жұмысшылар құқығын қорғайтын заң мақұлданды
Арктика мұзы 2050 жылдары жойылып кетеді
Арктика мұзы 2050 жылдары жойылып кетеді
Балалар әдебиетінің 20 әлемдік бестселлері қазақ тіліне аударылады
Балалар әдебиетінің 20 әлемдік бестселлері қазақ тіліне аударылады
Қазақстанда АӘК алушылар азайды
Қазақстанда АӘК алушылар азайды