Бала тілі - бал

Ересектермен салыстырғанда балалардың көзімен өмір қызықты, әрі өте қарапайым. Баланың тілі бал болатыны рас екен-ау. Бүгін біз сіздерге кішкентайлардың қызықты диалогтарын ұсынамыз.

****

- Мен кеше қатты құлап қалдым ғой...

- Жыладың ба?

- Жоқ!

- Жарайсың! Неге жыламадың?

- Үйде ешкім жоқ қой...

****

- Анашым, дастархандағы үлкеееен торт ағама ма?

- Жоқ, саған.

- Неге кішкеееентай-ақ?..

****

- Анашым, кактус қолыма инесін кіргізіп алды.

- Кактус емес, өзің бірінші тиіскен шығарсың!

- Жоқ, өзі ғой бірінші бастаған!

 ****

- Анашым, саған менің анам болғаның үшін үлкен-үлкен рақмет! Егер мені сен емес, басқа біреу туғанда мен бәрібір одан қашып кетіп, сені іздеп тауып алар едім...

****

- Анашым, әкем неге «Мен саған қалай тез арада ата атануға болатынын айтайын ба?» дегенімде қызарып кетті?

- Сонда оны қалай ата қылмақсың, қызым?

- Оған тек шашын ақ түске бояп, сақал жабыстырып алса болғаны...

****

- Әке, кейін әйел алсам, қанша жыл тұруым керек?

- Өмір бойы, балам!

- Мәәә, он бір жылдық мектеп, төрт жылдық оқу, сосын өмір - бойы әйел...

 ****

- Анашым, маған кәмпит берші, болшы, кәмпит берші. Анашым, кәмпит деймін!

- Үндемей отыра тұршы, сосын беремін!

- Анашым, қара мен үндемей отырмын, берсей енді. Үндемей отырмын ғой...

Сурет:  massaget.kz