Аяқ киімді күту ережелері

Аяқ киімді күту ережелері

Аяқ киіміңіздің өзіңізге ұзақ уақыт қызмет еткенін қаласаңыз, оған күтімді дұрыс жасай білуіңіз керек. Олардың әдемі қалпын осылайша сақтап, ақшаңызды үнемдей аласыз. Оны тазалау үшін бірнеше зат қана керек болады.

♦ Жаңа туфлиді кепкен соң ғана майлауға болады. Артынша щеткамен немесе барқыт, жүн матамен тазалаңыз. Жалтыратқыңыз келсе, лимонмен сүртіңіз;
♦ Ішіне газет салып, сыртына колготкі кигізу арқылы дымқыл туфлиді кептіруге болады. Бұлай жасамаған жағдайда бұрынғы пішінін жоғалтуы мүмкін;
♦ Қысқы серуеннен кейін аяқ киімді бірден тазартуға ерінбеңіз. Артынша майлауды ұмытпаңыз;
♦ Күдері аяқ киімді резіңке щеткамен тазалап, түгін жатқызу керек. Түгін шәйнектің буына тосып тұру арқылы жатқызуға болады;
♦ Ыстық сумен күдері аяқ киімнің дағын кетіруге болады. Ал ағарған жерлерін спиртке батырылған мақтамен, артынша өшіргішпен сүртуіміз керек;
♦ Шаң-тозаңнан тазартқан соң ғана аяқ киімге май жағуға болады;
♦ Май аяқ киім түсіне қарай таңдалуы тиіс. Немесе барлығына жарайтындай түссізін алыңыз;
♦ Егер түрлі түсті туфлиіңіз болса, бірнеше щетка мен барқыт мата алып қойыңыз;
♦ Скипидардың көмегімен қою майды сұйылтуға болады;
♦ Лакталған туфли қыс мезгіліне жарамайды. Суықтан шытынап, майда торлар пайда болады. Мұндайда сүтке батырылған мақтамен, артынша пиязбен сүртуіңіз керек; 
♦ Бұдан өзге вазелинмен майлап, жұмыртқа ағымен жалтырағанша тазалауға болады;
♦ Резіңке етік пен бәтіңкеге ұлтарақты міндетті түрде салыңыз. Ұлтарақтың былғарыдан немесе қалың матадан жасалғаны абзал. Шытынап кетуі мүмкін болғандықтан, отқа жақын қоймаңыз;
♦ Пимадағы қарды бірден тазарту керек. Егер пиманы гәлөшпен бірге кисеңіз, оған кебуге мүмкіндік беріңіз;
♦ Пима мен жұқа киіз бәтіңкелерді қатты щеткамен тазалаңыз. Тазалау үшін пемза мен кішкене теріні пайдалануыңызға болады. Ал кірлеген жерін жуыңыз. Бірақ жуған соң пішінінің айтарлықтай кішірейетінін ескеріңіз;
♦ Туфлидің тақылдаған даусын кетіру үшін табанына үпілмәлік майын жағыңыз.

Ал Сіз аяқ киіміңізді қалай тазалайсыз?

Сурет: rudaki.ru

Оқи отырыңыз:

Басыңызды қалай қаратып ұйықтайсыз?
Қорқыныштың иісі болатынын білесіз бе?
Күле білу - бәрімізге ортақ қасиет
Темпераментіңізге сай киіне аласыз ба?

Қ. Бүйенбай