Еш қиындық көрмей өссем де, мінезім тұйық...
Құрметті массагеттіктер! Мені толғандырып жүрген мәселе мүмкін біреуге күлкілі де шығар, өйткені "еріккен" деп сөгулеріңіз де мүмкін. Мен ауқатты отбасынан шыққан қызбын. Ауылда өстім. Бірақ қалада 2 үйіміз бар, материалдық жағынан еш қиындық көрмей өскен адаммын. Студентпін, 3 курста оқимын. Өзім қалаған мамандықта, грантта оқимын. Бірақ... мінезім тұйық. Бұл мінез бала кезімнен қалыптасқан, адамдармен араласқанды ұната бермеймін. Мектепте де, студент шағымда да жақын құрбым болған емес, араласатын бір-екі құрбым бар, болды. Өзім өте әдемімін, мектеп кезінен бастап көз салған жігіттер болғанымен, ешкіммен жүрмедім. Жасым жиырмаға келсе де, әлі жігітпен жүрген жоқпын. Жігіт керек-ау деп іздемеппін де тіпті. Кейінгі кезде осы жағдайлар қатты ойландырып жүр, күйзелетін болдым. Не істесем болады, ақыл қосыңыздаршы...
Автор: Құпия қыз
Сурет: galleryhip.com
Редакциядан: Құрметті қыз-келіншектер! Біреудің қателігі - біреуге сабақ. Біреудің сәттілігі - біреуге бағдаршам! Өз өміріңізді жазбаға түсіріп, бізге хат ретінде жолдаңыз. Күрмеуі қиын тағдыр жолында сырыңызбен бөлісетін сенімді құрбыңыз – Массагет деп біліңіз. Өйткені біз кез келген құпияны автордың аты-жөнісіз жариялаймыз! Поштамыз: massaget.kz@gmail.com
