Көңіл-күй гормонын қайдан табасыз?

Көңіл-күй гормонын қайдан табасыз?
Фото: www.look.com.ua

Көңіл-күйіңіз сіздің ағзаңыз бөлетін гормондармен тығыз байланысты екенін жақсы білетін боларсыз. Серотонин – адамның қимыл мен көңіл күйін бағылайтын химиялық зат. Оның арқасында сіз қуанасыз, жақсы ұйықтайсыз, өзіңізді бақытты сезінесіз әрі ұзақ жасайсыз.

Серотонин деген не?

Бұл – жүйке жасушаларында түзілетін гормон. Ол асқазанда, ішектерде, қан мен орталық жүйке жүйесінде көбірек бөлінеді.

Серотонин тағам арқылы ағзаға түсетін аминқышқылы, соның ішінде триптофан арқылы түзіледі.

Көңіл-күй гормоны не үшін керек?

Серотонин бүкіл ағзаға әсер етеді. Оның негізгі қызметтері:

• Ас қорытуға қатысады.

• Жүрегіңіз неге айниды? Серотонин шектен тыс көбейген кезде, лоқсу құбылысы байқалады. Сонымен қатар, диарея арқылы ағзадан токсинді нәрселерді шығаруға көмектеседі.

• Ми ұлпаларындағы серотонин көңіл-күйге жауап береді. Гормонның жетіспеушілігі күйзеліске, ал артық мөлшері жүйке жүйесінің бұзылуына алып келеді.

• Серотонин мидың ұйқыға жауапты бөлігін бір қалыпты етіп ұстауда өте маңызды. Ояну мен ұйқыны серотонин рецепторлары шешеді.

• Серотонин сүйектердің саулығы үшін керек. Бірақ, оның артық мөлшері сүйектерді сынғыш етеді.

Серотонинді қайдан табасыз?

Құрамында триптофан көп мөлшерде кездесетін азықтардан табуға болады.

• Жұмыртқа. Оның ақуызы қан плазмасындағы триптофанның мөлшерін көбейтеді.

• Ірімшік. Ірімшіктің пайдасы тисін десеңіз, паста тағамы арқылы қолданыңыз.

• Ананас. Ас қорытуды жақсартады.

• Жаңғақтар. Жаңғақ сонымен қатар жүрек пен тыныс ауруларының алдын алады.

Серотонин синдромы деген не?

Серотониннің қандағы артық мөлшері өте қауіпті:

• Денеңіз тоқтаусыз дірілдейді;
• Диарея;
• Басыңыз ауырады;
• Көз қарашығы үлкейеді;
• Қан қысымы мен температура артады;
• Жүрек соғысы жиілейді;
• Теріңіз құрғап кетеді;

Бұлардың барлығы уақытша. Егер дер кезінде ем алсаңыз, бір күнде серотонин мөлшері қалыпына келеді.

Серотонин аз болса...

Тамақтардан бөлек мына жағдайлар серотонин мөлшерін көбейтеді:

• Күн сәулесі;
• Дене шынықтыру жұмыстары;
• Дұрыс тамақтану;
• Жақсы ойлар;

Жүзіңізден күлкі кетпесін!

Т. Есқали