Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте пікір қалдыру мен блог жазу ережесі өзгерді
Массагетте пікір қалдыру мен блог жазу ережесі өзгерді

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Бойжеткен / Психология / Қошемет сөзді қалай қабылдаймыз?

Қошемет сөзді қалай қабылдаймыз?

Қошемет сөзді қалай қабылдаймыз?

Қазақ атамыз қашан да сөзге бай болған. «Өнер алды қызыл тіл» деп оның құдіреттілігін де танытқан. Ал сол өнерлердің бірі - қошемет сөзді орнымен айта білу және қабылдау. Сөзбен сал болып жатқан ауруды емдеп, қажет болса екі елді бір-бірімен жауластырып, қос ғашықты табыстырып қоюға болады. Оны еңбектеген баладан, еңкейген қарияға дейін жақсы көреді. Ол жүрекке нұр сыйлады. Бірақ қазақы ұяңдығымыздың әсері ме осы күндері өзімізге айтылған қошемет сөзді қабылдай алмайтындығымызды байқауға болады. Қошемет сөздерді ести салысымен «Жоға», «Жәй әшейін ғой», «Үйдегілер сатып әперген», «Ай, бұл бәрінің де қолынан келеді ғой» дейміз. Бұл әрекетімізбен қошемет сөзді қабылдай алмайтындығымызды, әдепсіздігімізді көрсетеміз. Сол себепті бізге жақсы сөздер айтылғанда қалай жауап қайтару керектігін Массагетпен бірге үйренейік.

Біріншіден, қошемет сөзді дұрыс қабылдай алмауымыздың себебін анықтайық. Мұндай әрекетке әдетте өзіне сенімсіз адамдар барады. Олар өзін өзгелерден төмен санайтындықтан, мақтан сөзге лайық емеспін деп ойлайды. Өзімізге деген сенімсіздіктің себебі неде жатқанын білмесек те, өзімізді жақсы көруіміз керек. Ең бақытты әйел – өзіне құрметпен қарайтын әйел. Ондай жандарға бір емес бірнеше қошемет сөз айтуға болады. Олай болса өзімізді жақсы көруді үйренейік.


1. Дене күтімі. Сабақ, үй, жұмыс деп жүгіріп жүріп өзімізге қарауды, шашымыз бен тырнақтарымызды ретке келтіруді ұмытамыз. Мұның барлығы бойымызға аздаған сенімділік сыйлайды. Міндетті түрде сән салондарына барып көп ақша құртудың қажеті жоқ. Оның барлығын үйде жасауымызға да болады.

2. Спорт. Би одан да жақсырақ. Жаттығулардың арқасында гормондар табиғи жолмен бөлініп, көңіл-күйіміз көтеріледі.  Сымбатымызды да бірқалыпты ұстауға көмектеседі.

3. Қошемет сөзді бірінші болып айтыңыз. Біріншіден, адамдарға қуаныш сыйлайсыз, екіншіден, жауаптарын естіген соң өзіңізге де тәжірибе жинақтайсыз, үшіншіден, сыйға тартқан қошемет сөздеріңіз өзіңізге міндетті түрде қайтып оралады.

4. Бір іспен шұғылданыңыз. Адам баласы жаңа істі үйренген сайын өзін өмірге керек адамдай сезінеді. Мұнымен қатар рақатқа бөленеді. Кезінде түрік тілін меңгеріп, шаштараздың 3 айлық курсында оқығыңыз келген шығар. Олай болса іске кірісіңіз. Сізге не кедергі?


5. Психологиялық дайындық. Әрине, күнде таңертең айнаның алдына тұрып «Мен өзімді жақсы көремін» немесе қойын кітапшасына бір күн ішінде қуантқан 10 істі жазып отыру қиял әлемінде өмір сүріп жатқан адамдарға ғана жарасатын секілді. Алайда бұл әдістің әсері мол. Оның көмегімен барлық жерден жақсылықты көріп, игі істерге ұмтыламыз. Ал бізге қошемет айтқан кезде өзімізді қалай ұстаймыз? «Рақмет, сөздеріңіздің арқасында көңіл-күйім көтеріліп қалды» деген қарапайым әрі орынды жауап қайтаруға болады.

6. Жауапты қалай айтсаңыз да, ол адамның сөздері «майдай» жаққанын ұғындыратындай болсын. Өзінің қошеметі өзгелерге ұнамайтындығын білген адам оларды келесі бір адамға айтпауы мүмкін.


7. Өзіңіздің қошемет сөзге лайық екеніңізді мойындаңыз. Қошеметке жауап қайтарамын деп дәрежеңізді түсіруіп жатудың қажеті жоқ. Бұл қадір-қасиетіңізді төмендетеді.

8. Артық қыламын деп тыртық қылмаңыз. Қошемет – жүрекке жылы тиетін сөз. Бірақ жүрегіме жылылық сыйлады екен деп ол адамға сыйлық сыйлау міндетіңіз емес. Ал қошемет сөз айту арқылы сізді пайдаланып қалғысы келетіндерден сақ болыңыз. Аяулы қыздар! Өзімізді жақсы көріп, шын бақытқа лайық екенімізді мойындайықшы!

Ал сіз қошемет сөзді қалай қабылдайсыз?

Дайындаған: Қарлыға Бүйенбай

Сурет: vk.com

Дайындаған: Қарлыға Бүйенбай
Қосылған күні: 05 наурыз 2014, 16:28
Пікірлер
+0
05 наурыз 2014, 16:33

Мен қызарып кетем, қысылам. Сонан соң өзім де айта алмаймын ((

+0
05 наурыз 2014, 17:07

Мен кейде сенімсіздік білдіремін...

+0
05 наурыз 2014, 18:05

рахмет деймін және еш қысылмайтын болдым))) Комплимент айту керек))))

+0
05 наурыз 2014, 18:30

Мен ақтала бастаймын, бұл әдетті қою керек екен!

+0
05 наурыз 2014, 18:41

Мен үнндемей қалам, кейде ғана рахмет дей салам.

+0
05 наурыз 2014, 20:09

Мен сасқалақтап қалам :geek:

+0
07 наурыз 2014, 01:01

Менде қошемет сөздерді ести салысымен «Жоға», «Жәй әшейін ғой», «Үйдегілер сатып әперген», «Ай, бұл бәрінің де қолынан келеді ғой» деймін...

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.