Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте пікір қалдыру мен блог жазу ережесі өзгерді
Массагетте пікір қалдыру мен блог жазу ережесі өзгерді

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek

Ер мен ез...

Ер мен ез...

Біздің қоғамда соңғы кезде қыздар тарапынан жігіттерге жиі мін айтылады. Елімізде олардың саны аз болғаны бір бөлек, мінездің ұсақталғандығы бір бөлек әңгіме. Әрине, оларға Абылай, Қобыланды болып жауға шап, Қайрат, Ербол болып төңкеріс жаса деуден аулақпыз. Дегенмен, заманауи ер азаматқа қойылатын талаптар бар. Осы жазбамызда ер мен ездің әрекеттерін салыстыра отырып, шынайы жігіттің кейбір қасиеттерін анықтамақшы болып отырмыз. Әрине, бұл қыз бен жігіт қарым-қатынасына байланысты. Бәрі де алғашқы кездесуден басталады емес пе?

1-мысал.

Ердің әрекеті:

Жігіт ханымға есікті ашады. Есікті аша отырып, оның шынтағынан, белінен, иығынан жай ғана ұстайды. Мұнда екпінді жігіттің батылдығына қою керек. Осындай әрекет арқылы қыз жігітке сеніп, өзінің қорғаны бар екендігін түсінеді, арқа сүйеуге бейімделеді. Бұл қимыл түрі кездесуге арналған. Және қызға деген қызығушылығы бар екендігін байқатудың бірден-бір амалы.

Ездің әрекеті:

Тура сол сценарий: жігіт ит көзбен қызға есік ашады, бірақ қорқыныш пен сенімсіздіктен бойын алыс ұстайды, бір жеріне тиіп кетпейін деген оймен айдалада жүреді, ойын ашық айтуға ұялады. Бірақ іштей ұнатып тұр. Қыздан сескенеді. Бұл оларға ұнамайды. Жалпы, қоян жүректі болу ешбір азаматқа жараспайды.

2-мысал.

Ердің әрекеті:

Ол кездесуге өзі шақырады. Кездесу орнын да өзі таңдайды, әрине, қыздың пікіріне де құлақ асады. Ал әдепті қыз таңдауды жігітке қалдырады. Жігіт кездесуге бастан-аяқ жауапты. Тіпті, соңында да қаржыны өз қалтасынан шығарады, өз көлігімен шығарып салады немесе таксиге төлейді. Есіктің алдына дейін шығарып салуды да өзінің міндеті деп санайды.

Ездің әрекеті:

Ол мың ойланып, жүз толғанып жүріп, кездесуге шақырады. Кездесу орнын таңдауды да ұмытып, жай ғана серуендегеннің өзін қанағат тұтады. Ал қыздар мұндайға көңілі толмағандықтан, бір жерге баруға ұсыныс жасайды. Тамаққа, киноға төлеу керек кезде қыздың ақша шығарғанын қалыпты санайды. Көше ортасында қоштасуға да ыңғайсызданбайды.

3-мысал.

Ердің әрекеті:

Ер жігіт ғашықтықтың тілін түсінеді. "Ғашықтың тілі – тілсіз тіл, көзбен көр де, ішпен біл" деген даналы сөзді Абай бекер айтпаса керек. Ол қыздың сезімін бірден түсінеді. Ол босқа үміттенбейді, қиялдамайды, ашық сұрайды. Ал әдепті қыз жауапты бетке баспайды, құпия белгілер арқылы сезімін жеткізеді. Егер қыздың жүрегін жаулап алуға болатынын білсе, қолдан келгенді аямайды. Ал қыздан қайыр болмаса, басын тік ұстап, өз бақытын іздеуге аттанып кете барады. Қыз көңілінен шықпаған болса, әуреге салмастан, ештеңе шықпайтынын да ыммен білдіреді.

Ездің әрекеті:

Ол сезім білдіруге жасқанады. Оның ойынша, кездесуге шақыру – сезім білдіру деген сөз. Сол оймен екі тарапты да ыңғайсыз жағдайға қалдырады. Бойжеткен сезімін тыйып ұстаса, тәкаппарлыққа балап, өзі де көкіректене түседі. Қысқасы, қарым-қатынас түсініспеушілікке ұласады. Тіпті, қыздың бірінші болып хабарласуын күтетін, я болмаса оның ишараларын ұқпайтын бөріктілеріміз де жоқ емес. Жарайды, қыз оған ұнамай қалды дедік, ол мұнымен қоймай қызға қорлау сөздерін айтуға дейін барады, өзгеге өсек қылып жеткізеді.

4-мысал.

Ердің әрекеті:

Ер жігіт көшбасшы бола біледі. Ол жауапкершілікті қай жерде мойнына алу керек екендігін түсінеді, алдағы қарым-қатынасқа жоспар құрады. Қыздар жігіттерге сөз бергеннен кейін ештеңе ойлағысы келмей, бәрін де сүйіктісіне қалдырып, жай ғана арқа сүйегісі келеді. Ал ол мұндайда екеуі үшін де шешім қабылдау керек екендігін жақсы біледі.

Ездің әрекеті:

Өзіңіз байқап отырғаныңыздай, ез ердің қарама-қарсы бейнесі. Оның бойында шешім қабылдау, көшбасшылық қасиеттері байқалмайды. Қыз сөзін берді, іс сонымен бітті. Бір қыздар сабыр сақтауы мүмкін, ал басқалары мұндайға шыдамайды. Кейінгі кездесулер де алғашқыдай өтеді. Қыз сүйіктісін сағынып шығады да: "Жаным, бүгін қайда барамыз?" деген сұрағына жігіттің: "Білмеймін" немесе "Сенің қайда барғың келеді?" деген жауапты алады. Ылғи да солай. Қыздардың жігіттің алдына шығуы, жігітті жетектеуі деген ұғымдар осыдан пайда болмай ма?

Мінеки, алғашқы қарым-қатынастан-ақ кімнің кім екенді байқала бастайды. Ал одан кейінгі отбасылық өмірді өзіңіз де елестете беріңіз...

Сіз не дейсіз? Сіздің ұғымыңыздағы нағыз ер азамат қандай?

Дайындаған: Айгерім Сматуллаева

Сурет: vk.com

Дайындаған: Кәусар Мұң
Қосылған күні: 14 ақпан 2014, 16:00
Пікірлер
+0
14 ақпан 2014, 16:05

Егер мен жігіттің қасында өзімді қауіпсіз, қорғаным, тірегім бардай сезінсем, мен үшін нағыз ер сол. Нағыз ердің екінші белгісі – бірінші болып өзі қадам жасау, күнделікті өмірде де өзі бастап хабарласу. "Қорқақтық ер жігітке тән емес" деген сөзбен келісемін. Жігіттер, естеріңізде болсын, майысып, "тормоз" болу нәзік жанды қыздарға ғана жарасқан.

+0
14 ақпан 2014, 16:11

ал мен өзіне не керек екендігін білмейтіндерден, өзіне сенімсіздерден шаршааап кеттім :(

+0
14 ақпан 2014, 16:43

Бейшара Нұрлан Әлімжанов :idea:

+0
14 ақпан 2014, 16:46

Неге бейшарааааа? бұл жерде оның нағыз жігіт бейнесінде алып отырмын!!! қатты құрметтеймін оны!!!

+0
14 ақпан 2014, 16:47

И, білем, жай қалжың ғой))

+0
14 ақпан 2014, 16:46

қызды қорлату,,,сонда әлгі 8-)

+0
14 ақпан 2014, 20:01

Нұрлан Әлімжан хит болыпты ғой :)

+0
14 ақпан 2014, 20:38

Ех, мынаны мен кездескен біраз жігіттерге оқытса ғой жанында отырып((( :(

+0
14 ақпан 2014, 20:53

ерге қарағанда ездердің көп екенін байқап отырғандаймын. Өйткені, мен танитын жігіттердің көбі ез деген сипаттауға саятын секілді. Оларға "тормоз" деп те айтатынмын, сонда да қайсарланбайды ғой шіркіндер.

+0
15 ақпан 2014, 10:08

Қалайша дәл бейнелеген! Тіпті өмірімнен кездесті десем... демек, ез... Жә, хайыр. Мен жігіт болсам, "жынды" жігіт болар ем деп қоямын ше...)) Қазіргі кезде "ырбиып", Айгерім айтқандай, өздеріне не керек екенін білмей, "қашқақтап жүретін", сенімсіз һәм қорқақ жігіттердің көп екені ШЫНДЫҚ! Рахмет жазбаңа, Айгерім!

+0
15 ақпан 2014, 17:26

Бұрындары жігіттің сабырлы, ұялшақ, қарапайым болғанын қалайтын ем, өсе келе талғамым өзгеріп, 21 ғасырға ондай жігіт жарамайды деп таптым... Ал қазір оптимист, сөзшең, пысық жігіттерді ұнататын әдет шығарыппын...

+0
16 ақпан 2014, 00:38

Әйкерім өзінің арманын жазып қойыпты гой! Оны басқалары қолдап отыр. Иа арманыңызға жетесіз армандай беріңіз!

+0
16 ақпан 2014, 20:18

Мәселен, кез келген ер адам, кез келген қызға ер болып табылуға тырыспайды ғой, соны тұратын қыз бар, тұрмайтын қыз бар дегендей...

+0
17 ақпан 2014, 22:18

Мен достар арқылы қыздардың номерлерін алып хабарласатынмын, немесе кейбір қыздар өздері танысуға ниет білдіріп қоңырау шалатын боп-бойдақ кезімізде. Әдепкіде кафеге шақыратынмын , бірақ кейін кафеге шақыруды қойдым. Бірінші сөзім жарасатын қыз екеніне көз жеткізіп жәй ғана кездесу жасаймын, сосын ертеңіне ойланып көресің. Көп қыздарды бостан бос кафеге апардым әдепкі уақыттарда, өйткені кафеде отқанда сыраны өкіртіп ішіп артынан темекі шеккен кезде өкініп қаласың.

+0
18 ақпан 2014, 10:55

байкап жүрсек қазіргі заманда ерден ез коп!!!

+0
18 ақпан 2014, 16:23

Сол баяғы кінә арту екен! Бес саусақ бірдей емес. "Қыздарда да қыздар, жарылмаған қауыздай" демекші жоғарыда аталған құрметке лайықты және лайықсыз қыздар бар. Өз басым материалды оқып отырып түсінсем ерге де , езге де лайық іс-әрекеттер істейді екем. Өзіме ұнағана қыздарды қошеметтеймін ұнамаса, ұнамаса таксидің ақшасын тең бөлгізіп төлетем. Еркек екенмін деп шашыла бермейтін шығармыз қыздар...Негізі тақырып ауқымды екен, айтар нәрсе көп, бірақ уақыт жоқ!

+0
29 сәуір 2014, 15:03

пікіріңіз өте ұнады, Ғани!

+0
18 ақпан 2014, 16:25

"Қыздарда да қыздар бар , жарылмаған қауыздай"

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.